分析琴日否決香港申2023年亞運之原因。

圖片參考：http://www.hot-hit-counter.com/counter?id=00B96F4F-68BE-4352-822D-9718CC86A825&style=d_m-tube,ml_7


琴日發生兩件同亞運有莫大關係嘅事，一件係財委會否決撥申亞，一件係前亞運划艇運動員陳學殷因勒索劉建浩個老豆(哎呀…差D爆響口……好彩呢個只係呼聲最高，未CONFIRM啫，如果只係拉左我而唔拉其他人，即係公開左X係邊個)。 陳學殷最勁參加過亞運，姑且為其冠名「前亞運選手」。 兩件事最大關係，除左日期上巧合，更重要係，同樣係反映香港政府對運動員退役後出路忽視嘅惡果。 申亞撥款冇通過，我攞左彩，做乜抽陳學殷水﹖我絕非抽水，亞運撥款日同陳學殷被判刑係發生喺同一日，你話有乜可能唔相提並論﹖好多人將兩事CROSSOVER，用來向企硬申亞嘅政府官員打左一記耳光。 要從運動員角度考慮，唔係話應運動員心願(佢地想喺香港參加亞運，喺主場揚威)，何況講呢啲嘅人，係同「CHOK峰」一樣有公子病嘅黃金寶、壁球「港女賢」，佢地有唔駛憂，慢慢等。但好多寂寂無名嘅運動員，關心生計，邊得閒慢慢等﹖ 政府唔係善堂，但係用緊公帑，應該用喺保障運動員生計，唔可以用「汰弱留強」、「適者生存」嗰套諗運動員，即係當人廉價勞工，用完就揼嗰隻，政府諗縮數，即係諗住運動員慳慳地幾十萬可以過一世，知足者貧亦樂，神經病，高學歷尚且唔係好得，何況係低學歷嘅退役運動員。 司徒華話﹕「功成不必我在，成功必定有我」。華仔在天之靈幫左我地一大把否決申亞，就此謝過。