Olympus E-PL2相機 一問

如果你係指用腳架影夜景的話,效果十分好.
以下網頁有部相機既初步測試,裏面也有一些夜景相. http://www.dpreview.com/previews/olympusepl2/
但如果你係指手持拍攝的話,咁效果會冇用腳架咁好,只可以說是可用,但依然會比輕便DC好好多. 用全動模式效果會強差人意.因為相機驚你手震,會傾向用大光圈,高感光度去增加快門速度.做成畫質較鬆散及多雜訊.我建議你用快門先決或全手動曝光,選一個你唔多會手震的快門,越慢越好,代表可以用越低感光度及合適的光圈.太快太安全則沒有意思,會同全自動差不多.一般人如果握持相機手法正確,用14mm焦距的話,1/10s應該冇問題,用 iso 400而現場又唔太黑的話,光圈大約會在F4-F5.6左右.唔得的話唯有續步加高iso及開大光圈. 光圈先決都得,但快門變化可能會較大,要麻煩小小先可以去到你啱用的快門速度.比較適合用腳架,快門速度冇限制的場合. 白平衡方面,最好當然係影raw然後用軟件較啦,否則可以輸入K數慢慢試到啱心水,我一般都會用3200-3500K左右.自動就唔建議,夜晚太多人做光,會搞到一時偏紅,一時偏藍的.