佢想點??我可以點?

幾個月前係交友網上識咗個外國人, 大家好岩傾(雖言語不通),背景相似,大家都已離婚,不過佢個老婆唔肯走,有個女,佢肯坦白,指自己鐘意亞洲女人(佢老婆係korean),個時表示過鐘意我,我諗外國人個種鐘意(i like you)只係大家好傾啫,咪當佢朋友。傾咗唔夠一個月就嚟香港睇我,我知佢另外去中國見另外兩個女人,都係網上識,如果佢係搵另一半,相信佢正選擇中。
係香港,冇對我不禮貌,但明顯態度及動作都對我親密,旁人都以為佢係我男友,後佢去完中國又再嚟香港,想再見我,相信佢已揀好,沒說出口,但易feel到。
後佢返回家,大家仍傾得開心,我亦慢慢對佢有feel; 本來諗住到我去個邊探佢,佢亦好歡迎同緊張我去得成與否,知我經濟唔好,應承幫我book酒店目的是希望我過去,但因簽證問題去唔成,佢就叫我聖誕去佢家鄉同佢探親...
去到,feel到佢對我態度比前冷淡,我估因為係家人朋友仲有個女面前,唔方便對我太親密,(但我試過偷偷吻佢,佢有回吻,但之後若無其事),返到香港唔甘心,寫咗封email講比佢知我感覺,後佢亦返到家,一次都冇搵我,唔見佢online,冇答覆,我keep住send msn比佢叫佢唔好唔理我,佢先留msn話我地都係做朋友比較好,因為我地太易嬲對方...我都唔知發生咩事,做咩前後唔夠半個月,態度可以一百八十度變?
我諗可能封email令佢誤會,因英文有限公司嘛,故再留msn比佢解釋寫個封信嘅原因,同向佢表白,個晚有online,主動同佢傾計有回應,不過係普通傾計,文字間見唔到佢之前嘅關心熱情,佢話幾分鍾後要返工,返嚟後好多嘢做,但又同我傾咗成個鐘; 第二晚只傾咗幾分鐘,佢無聲無息offline... ...今日再打長途比佢,問佢係咪忙,我主動收線唔阻佢,佢話talk to you later...但到家下仲未收到佢電話。
補充一點,佢45歲,我36歲,發覺佢性格同星座真係有關,佢係獅子座,要面子同自尊心重,有主見及堅持及做事認真,爽快,說一不二; 因佢個老婆成日用個嬲樣對住佢,同佢嘈同佢拗,故佢唔鐘意我係咁,我又衰嘅,有時會令佢有呢種feel,佢係香港時我都對過佢黑面,而我都係獅子座...
究竟佢想點? 我好hurt & sad,好掛住佢...佢覆我係咪因可憐我? 費事煩? 仲有冇彎轉? 我咁樣搵佢係咪好煩? 我可以點做? 佢變得都好快,真定假架?
請大家針對事幫下我啦,我知大家會覺得我個問題問得好蠢,特別係到咗呢個年紀,但希望大家明白,當鍾意一個人,無論係咩年紀,都會變盲目同不知所措;或者某日我睇番呢段嘢都會笑自己低能,但依家嘅我真係想知點算, 我唔知外國人嘅心理等,唔知佢諗咩,點都同中國人有分別呀?!
距離嘅嘢當時雙方都清楚,唔係盜火線。