熊仔鼠問題 "杰" 請進=]

我係第一次養倉鼠既, 係熊仔鼠
我有d問題要 杰 你幫我解答下 thank you=]

佢係女仔黎既, 一個月大
朋友既熊仔鼠生既, 太多俾我養, 我都好有興趣~!

而家養左四日
我拎d日本城買既大膠箱養,
我朋友就係佢戒奶後都剩係餵紅蘿蔔俾佢食姐 (但我覺得佢餵個d係"甘順"), 佢間中飲水, 都算飲得少, 佢剩係食紅蘿蔔("甘順"????)會唔會唔夠健康???同埋就算我係當生果, 有益咁間中俾佢食, 應該係餵紅蘿蔔定係"甘順"???

好....入正題

1. 我係朋友到拎佢返黎個第一, 二日, 佢d尿係黃色, 但而家係奶白色, 同埋有少少 "傑", 但佢好精神, 又撩我地玩, 要我地理佢,唔似係有病.
有咩方法解決? 唔想佢有病

2. 而家第四日, 我諗我同佢算係快熟, 因為佢而家成日望我, 行埋我個方向到好似想撩我咁,
跟住我用你個方法, 放係食糧係手心, 佢行上黎, 之後抱左佢一陣都ok, 但我有次冇食物係手, 佢行埋黎聞下我手指, 之後輕輕力咬左我一下, 我即刻縮手.
之後我阿媽放隻手落去啦(冇食物), 佢都好like我阿媽, 自己行上黎, 如是者四次左右, 跟住放低左佢, 佢又想叫我地抱咁, 我阿媽就放多次隻手落去, 但佢今次有時會輕輕咬阿媽手指, 之後都keep住有咬, 都係輕輕力既, feel到佢唔係有惡意, 又唔係受驚, 因為如果係驚都唔會主動上黎之後先咬= =""

其一; 點解佢會輕輕咬?
a. 好明顯唔係受驚
b. 又唔係我地整痛佢, 因為我地放隻手落去俾佢行上去, 佢係企係我手上咬我手指....因為咬之前都抱左佢幾次, 唔似係當左有食物
c. 岩岩先食到唔食, 唔似係肚餓

其二; 就算佢咬我地係想同我玩 / 冇惡意, 我想問有咩方法可以訓練到佢唔咬?我怕佢日後大隻輕輕咬都咬到我地流血, 唔想咁...
[我自己諗左個方法, 唔知work唔work: 如果佢一咬我地(唔理係有冇惡意), 我地即刻縮手, 之後同佢講 NO! 跟住唔理佢半日, 一直試, 試到佢唔咬就俾下食物佢食 (當然我呢d食物係指佢行上黎又冇咬獎佢既食物, 平時既糧我照比)]

3. 佢唔識自己用沖涼粉沖涼, 我都唔識同佢沖.....我今日試左次, 我用個盤裝住佢, 入面有沖涼粉, 佢係咁想爬出黎, (d粉岩岩過左佢腳指, 係太少粉所以佢唔知係沖涼?定係佢驚到跟本唔想沖?) 最尾我係用食物引佢, 之後用匙更倒d粉係佢後面..........好明顯洗得好唔切底.....剩係沖到背脊個面.......我應該點同佢沖?佢係咁郁, 我又怕整到佢對眼, 根本冇可能可以倒d粉落佢個身到, 倒極都係背脊....
係唔夠粉俾佢覺得要沖涼?個盤應該高同窄俾佢自己沖(如果太寬一次用半包粉都似= =...)? 就算佢唔識, 要我同佢沖, 究竟我點先可以幫佢沖得切底d?

點都好, 多謝你解答=] thank you~