✔ 最佳答案
衰十一判乜嘢法官會睇以下因素:l 男方認唔認罪l 女方案發時年紀 - 好明顯女方愈細判得愈重l 男女雙方案發時年紀差距 - 差距愈大判得愈重l 男女雙方案發時關係 - 識咗幾日判得一定重過雙方係情侶關係l 男方有無用安全套 - 無用判得一定重過有用l 有無其他加刑因素 - 例如拍裸照你無講詳情, 我當係最普通果隻, 即係情侶、無案底、有工作、認罪、有用安全套.1. 個男仔己經成年, 但個女仔未夠16. 唔屬於兩小無猜case. 可幸係雙方年紀差距不大 (6年). 但都極大機會要坐監.2. 衰十一係 “絕對責任罪行 (strict liability offence)”, 即係不論男方知唔知女方歲數, 做咗就係犯法. 最接近案例係HKSAR v LAI YIP SING. 案中22歲被告喺網上識咗14歲受害人發展為情侶, 兩個月後同佢上床. 受害人同被告講佢18歲. 被告無案底, 有正當工作, 常參加義工. 結果法官判監禁6個月. 被告有上訴, 但被駁回. 你單案個男仔會判差不多, 大約監禁6個月.3. 去邊度坐由懲教處決定. 判監6個月, 即係實坐4個月 (扣咗獄中行為良好減刑), 可能留係荔枝角, 亦有可能去東頭或壁屋等低設防監獄.