急help~thx 罰款 --定額罰款(公眾地方潔淨罪行)

法例講明, 如果執法人員 “有理由想信你正在干犯或已經干犯某表列罪行” 就可以俾告票你. 問題就在於你所做嘅事, 是否令佢 “有理由想信你正在干犯或已經干犯某表列罪行”.法官在裁决時, 會用一個法律訂定嘅廣泛標準,嚟睇, 即係一個奉公守法嘅人用正常思維嚟睇某件事會得到嘅唯一合理推論 (呢個 “test”係廣泛應用於刑事案件). 用第三者角度睇吓你個case. 你坐在花槽旁食煙及講電話, 食完將煙頭插入泥中弄熄後放在身旁繼續講電話, 而在不到十米外有個垃圾桶, 但你唔行埋去掉煙頭. 當時你只係講緊電話, 唔係唔行到過去 (例如用緊有電線嘅家居電話又或者整親腳、唔舒服唔行得), 咁一個正常、奉公守法嘅人睇見, 會得到嘅結論就係你棄掉煙頭在花槽旁. 煙頭是否放在泥中並無分别. 易地而處, 你見到某人在講電話及食煙, 佢烏低身將煙頭放在地上踩熄, 然後企在煙頭旁繼續講電話, 在佢不到十米外有個垃圾桶. 咁佢同你話諗住傾完先攞去垃圾桶, 你信唔信?! 如果你整熄煙頭後用紙巾包住放在一旁, 又或者放入膠袋, 咁就可以推論話你有意圖一陣將煙頭帶走. 但個case唔係咁.法官要定你罪, 只要佢接納個食環職員有理由想信你已經犯罪就可以. 在以上情況下, 我睇唔到佢點解要唔信個食環職員. 所以唔好彩, 你輸硬.個人意見: 你都係俾錢了事啦. 如果你唔認罪同佢撑, 輸咗要罰多千幾蚊堂費.

2011-01-17 00:55:13 補充：
that's good!

告票已經取消了l我不用交