關於做的影裸照model問題

我對於做model影相呢d野唔係太知行情, 不過我聽下去就真係覺得對你毫無保障,


1. 出價方便係4位數字1個鐘頭,$2000內,會唔會太低??

如果真係靜係影相唔使除晒d衫褲, 呢個價錢就合理, 佢地叫你在酒店唔著衫褲影相, 你有冇諗過如果佢3個男人攪你, 你都幾大鑊下, 唔係話一定會雞奸你, 係咁對你毛手毛腳你都唔底啦, 事後你追究到什麼呢 ?? 2000蚊一個鐘比人毛手毛腳, 你如果中途唔影你都係冇錢落袋, 相片都攞唔番啦

2.點樣可以確保個人安全??


你自己諗下係酒店房影, 仲要得你自己一個人, 冇任何方法可以保障到你架 ! 除非你多一個朋友陪你架咋.......都係咁講, 比人毛手毛腳 ''在所難免''


3.佢地話唔影樣同埋唔公開d相,點樣先可以信佢地??


點都唔可以信, 壞人都唔會講自己係壞人啦 ! 影左你個樣你鬼知呀, 講真就算同你簽左合約都冇用, 佢地拿d相去東南亞, 外國等地制作vcd, 你知咩 ????? 就算係佢地gay佬世界傳閱你都唔知啦 ! 仲有你諗下, 佢地話影來私人用, 唔影個樣你覺得有可能咩 ????? 如果唔影個樣佢地不如上網download 啦 ! 分分鐘同你拍埋片你都唔知啦.........


4.洗唔洗簽份合約,以保障d相真係俾佢地私人用途??


你真係要影你就要同佢地簽合約, 同埋要佢地比你睇一次張記憶卡, 以肯定冇影個樣, 不過我覺得都係咁講, 你係酒店除哂衫褲, 你覺得以你自己一個人係酒店可以做到什麼呢 ????? 跟本你就係肉隨針板上........


5.我面試果陣俾佢地掃左下體d毛,佢地就話係整齊d睇下ok唔ok,真實又係咪咁樣??


你有冇諗過到時有可能叫你做d好淫的post 呢 ?????? 你做到嗎 ????? 可能會叫你同佢地其中一個男人做d更淫的post 或甚至有身體接觸, 你得嗎 ???? 如果影到半天你就放棄, 佢地有權唔比錢, 你白做.......


冇野可以保障到你真係安全架, 自己諗真下呢d錢揾唔揾得過啦 ! 你真係要去你就要叫朋友係酒店下面等你, 按時聯絡萬一有咩事冇按時聯絡就立刻報警......... ,, 不過我真係勸你最好唔好做, 唔想你一世有陰影...







2011-01-03 09:44:35 補充：
都係再一次勸你, 唔好影啦.......真係會成世有陰影架 , 1800蚊唔值得架 ! 樓下網友講得o岩架, 揾份正經長工做啦, 我唔會信得過佢地3個男人, 佢地會對你毛手毛腳架.........

甘違反道德的野你都做...唔好比金錢沖昏左頭腦啦...

你試下問下你父母...你父母一定反對...讚成果個一定係傻呀

你甘同D 拍淫片的演員有咩分別=.=?

你都話佢地唔係單純為藝術...講藝術都係呃你啦...

基佬影男仔祼照話藝術...? 滿足佢地的淫心就真...

快D回頭...唔好做啦...依份工真係同拍淫片的演員冇分別...甘黑人憎...破壞社會道德...



2011-01-08 09:27:58 補充：
真係唔好做啦...惡有惡報呀..

同意樓上JEFF所言
真係無咩保障
為了少少錢值得嗎
你好等錢洗咩
不如找份正經工作做
1個鐘頭2000銀看似很多很易鑽
但出賣肉體才得這少少錢其實很少
影是一陣,但人地就任睇任傳, 好蝕
況且唔知人地用咩眼光睇
會唔會放上網
會晤會偷偷地裝了針孔錄影
如果你死都要影就要戴個飛虎隊頭套
但都可能比人禁住泥除
合約都要寫得巨細無遺睇清睇楚
出錯就神仙都難救
好自為之
都係不要做了, 不要貪少少錢啦
就算報警都返唔到轉頭啦
為自己好, 為第日個女友呀老婆呀, 為父母呀, 為第日個仔女呀都不要做了
一失足成千古恨

影得就預咗會公之於世，無論那個「世界」是他們小圏子，還是有朝一日成為小報或gay雜誌的內容，所以諗清楚你是否值得。價錢跟正規photo的model差不多吧，唔算呃你啦，坦白講，你又唔係出名，model價冇話分裸唔裸的，問題是你認為值唔值得做。

整理下和修飾吓是一些專業攝影的要求，再高一層可能要你搽潤膚或者剃毛添。
正規的影會都會給model簽一份合約或其實是說個影出來的相model沒有權追回出版權或是不屬於個model的，是保障攝影師多於model的。咁就要看你看合約是保障你收到錢，還是保障你個樣/人的面世權或人身利益了。

我唔係行家，只係按常理回答。希望有些專業攝影會給你一點實際提點。