睡眠窒息症定係其他?

我成日訓覺個時, 都好似突然透唔到氣. 倩況多數係我發緊夢, d 夢都係同窒息有關. 而最奇怪係我發親呢d 夢都唔係從第一身出發, 而係企左係隔離睇住自己. 例如我會好似企左係床邊, 然後睇住自己訓緊覺, 我舉兩個例子.
有一晚我發夢, 企左係床邊望住自己訓緊覺, 然後成身唔郁得, 想叫叫唔到(係指訓係床到既我, 唔係企係床邊既我), 突然有一對隱形既手扼住我條頸, 訓係床到既我不斷掙扎, 好大力拉開對手, 點知又有第三隻手伸過黎, 最後掙扎開左, 我即刻睜大眼週圍望(醒左), 由夢境到醒左, 都係面向天花訓, 即係冇壓住. 醒左仍然喘氣. 然後再訓, 發同一個夢, 如是者三次. 每次都係企係床邊. 感覺三個夢只係好似隔左幾分鐘, 但你知夜晚訓教, 訓一粒鐘都好似訓左一分鐘咁, 所以時間上我唔肯定係咪幾分鐘.
另一晚, 我就係係海裡面, 俾一d 無形既野拉落水底, 我都係企係岸邊睇住咁. 感覺好似窒息咁.
究竟係因為我發呢d 夢, 令我意識上有窒息既感覺, 定還是其他因素? 因為我發夢透唔到氣, 我覺得現實中既我意識上都作出閉氣既動作. 另外會唔會我發夢俾人扼住條頸, 而有可能我作出既反射動作, 係自己扼住自己?
平均每一個月都會發幾次呢類夢, 都係俾d 無形既野令自己透唔到氣, 同埋呢類夢, 我都係由第三身去睇. 但平時d 夢, 我係從第一身去出發. 呢種情況, 都係近呢一兩年先開始.
我冇睡眠窒息症既病徵, 冇渴睡或失眠症. 我想要d 科學既解釋.