點解有d上市公司會收購錄得虧損的行業

1. 趁低吸納有潛力既資產(投資).. 咁低價..買黎投資
當然,風險要估計..
e.g 果間蝕既公司係開左幾年姐..但係佢又冇晒資金去守..要拎去賣,
但佢既潛力可以係好大..所以就會買佢黎作投資
好似你既例子咁,依排無咩新藝人,變左從事在娛樂業提供有關製作及藝人管理服務 的公司會蝕..但估計將來更多新藝人投身娛樂圈..
or
間公司只係在經濟差的時候一時周轉唔到,要拎去賣...
佢以往係賺錢的

2. 長遠黎計可以為公司減成本..或增加收入
e.g 蝕既公司係負責提供野食既..間航空公司會考慮如果收購佢..買野食時就
會平D..同埋可以控制質素
e.g 一間factory會考慮買提供原材料既公司
用番你例子就e.g你本身係開唱k公司既..咁你買左陳式音樂有限公司.你就唔洗比歌詞既版權費,雖然果個公司係度蝕緊.但你因為本身唱k公司多左歌比人唱,可以吸多d客,令自己收入增加且cover到佢蝕既錢

3. 提供可覲的資產
用番你個例子就係e.g陳式音樂有限公司可提供多首歌曲之歌詞之知識產權,
就算低價買完高價賣番都可以賺
因為其公司往往資產多,值錢,但一時周轉唔到,但趕住還錢就會低價賣

4.幫助公司達到企業目標
e.g本集團目標係係依一年可以提升自己既多元化業務.
咁就可以以低價買依d公司番黎,自己管理到佢唔蝕錢
因為蝕錢可能係其2間公司某d問題出現,或唔夠本金投資而令蝕錢
而這些問題係大公司可以解決..e.g有專才去管理

因為好多公司就算虧本但資產依然吸引。比個例子你公司Ａ有一個空置的太古城單位，A公司的主要業務是賣汽水。Ａ　公司剛剛在賣汽水的業務過去一年虧了＄１萬元。現在公司只賣＄１０萬，你會不會買？你一定會，因為資產價值被低估了。到時太古城賣了喜歡虧本一千幾百年也可以。

如果是同類型公司，收購可以讓他們快速擴張，把競爭對手吞拼把競爭減少，增加自己的營利能力。

相反如果是不同類型的公司，收購可以令自己擴張，甚至擴大自己的業務範圍令自己更不受特定行業風險影響。
　
就算收購的公司或項目一無時處，更可以借此推低公司股價，沽空獲利甚至以低價買入。配合向下炒神功，絕對無往而不利。有關向下炒請看我的連結。

如果收購同類型公司,是爲了擴大市場佔有率.
如果收購不同類型公司,是看到該公司有發展潛力,於可預見將來會有盈利.或者是該上市公司有意作多種不同業務發展.
亦有可能是被收購的公司業務與上市公司本身業務有關連.如上例,如果該集團是TVB你會怎麼想,是否金錢"左袋入右袋"D錢唔駛益街外人,然後又可以合法地俾少D稅.

貪佢股票平,收購後再注資重組,便可以成為自已資產.當然會有很大風險,多數是大財團才會這樣做.