✔ 最佳答案
睇完2個人回答,1個買樓,1個買金融產品,如其講唔同人有唔同需要,不如講係各為其主,無理由地產經紀叫你唔好買樓就去買股票掛???
如果買樓,300萬一炮過買番黎,然後一年收取約4%回報,其實買領匯係咪仲好呢?因為你年紀大,打理層樓都吃力,呢埋屋企等收息好過,同埋,係人都知,買鋪係好過買樓.
如果投資金融產品,每年回報平均有15至20%增長,其實唔錯,至少贏左巴菲特,大富大貴可期.
退休投資,首要關注現金流,因為你要靠佢開飯,其次係套現能力,因為你隨時要錢醫病,第3係簡單易明,容易得到並且掌握資訊.
其實想問下你,你果400萬點得番黎?
2011-01-04 16:37:19 補充：
你做左幾廿年人,有幾百萬係手,真係唔出奇,同樣,跟你一樣做左幾廿年人,而一毛不剩既都大有人在,同樣唔出奇,當然,係有原因,我問你果舊錢點得番黎,都係出於同一原因,我諗你唔會係因為後生時錢多洗唔哂,係銀行剩番黎掛?
李首富講過一句說話,富貴於我如浮雲,簡單既7個字,但唔同人可以有唔同理解,你可以睇成佢係大把錢,可以咁豪氣講呢句話,但深入再想,佢唔係豪氣,而係講出事實,金錢其實只係如浮雲般,既不實在,亦不能永久,至少,通脹會將錢吃掉.
2011-01-04 16:50:00 補充：
既然貨幣係懲罰儲蓄者,咁應該坦白去講,呢個年代既人,全部都要被迫投資,你果幾百萬,可能係透過多次不同資產交替,至今日折算為貨幣,得出一個數字,所以,你點得番黎,用同一方法去做多次都唔會係問題,因為呢個方法你會更熟悉,我自己既睇法係,用唔熟悉既方法去做一件事,得到既可能更多,不過風險跟回報折算番,其實係風險高於回報.
有時計數既野,除非你本身好具有數學邏輯,否則有時都會被直覺影響判斷而計錯,好似一桶水同十桶水比較,你可以用肉眼分辨出2者多與少既分別,假如用殺傷力去比較2者,邏輯會令人認為,10桶水係大於1桶水,不過,當將1桶水注入壓力形成噴射,情況就會改變.
2011-01-04 16:57:03 補充：
一個人有錢,例如你有幾百萬咁,到底係你去支配果幾百萬,定係果幾百萬支配你既未來?人生已經去左2/3,好好地去為自己而生活埋果1/3吧.
2011-01-05 14:24:00 補充：
不如咁啦,你按照現在既生活水平,試下去計算未來既現金流出,只要投資既現金流回報係等如支出,就即係唔使殺雞(400萬)而又日日有蛋食,長食長有,先有左呢個邏輯,然後就可以再深入小小再諗,因為條數始終唔係計加減就可以.
有關醫療方面,其實多數人都係死於果幾大類絕症,去留錢醫病唔算明智或可靠,反而用保險去對沖呢個問題會更好,而且條數可以計入埋每月支出,可能仲易d預算,相反,留錢醫病,留幾多先夠?買保險除左留意買咩,仲要留意匯率風險,呢樣可以問番保險專家.
2011-01-05 14:31:14 補充：
住屋方面,呢個問題係最具藝術性,如果你話一次過付清樓價去買樓自住係安全,冇錯,係心理上比較安全,我見過既實際例子,反而係退休賣樓租屋住,套現將錢投入另一個更好既地方,簡單黎講,做法係從賣樓資金中得到一個現金流,而前提係,呢筆錢除左可以支付屋租(最低要求,否則住屋成本係不增反減),仲有一個希望,係有額外收入.
個理念係,你要住屋,住自己買左既樓,無論任何情況,都唔可能出現額外收入,個好處只係安全,不過,你洗哂老本時,其實一樣要賣樓,所以安全性只係感覺上.
