應徵巴士車長 (駕駛紀錄一問)

每個入職九巴做車長，入九巴訓練學校係必要既！但要過四關 ，面試、查牌、試車同驗身等。面試係閒話家常，平心靜氣去答就過關，查牌係呢兩年內有冇扣分，九巴叫你自已去警務處交通部比錢查自已！無扣分過關，有就止步！你有9,10唔使考牌,但都要試車....用乜車試？更唔係大巴哥啦 ，係用自動波私家車姐，試一段仔路，同你試車個位仁兄係乜水？係駕駛導師泥架！有禮D呀，你開車之前導師可能會問你問題？開自動波車之前入波前要做乜？答錯玩完！佢會昅住你既駕駛態度，唔好單手持軑，唔好印腳，行正中間唔好擇線，你以前開的士既態度要改！ 好似突然cut出又cut入，要禮讓，巴士係乘客安全第一，慢無罪，多望鏡。試完佢會叫你去查牌就過關。驗身既有眼、肺、尿、血和手有冇力等。全過關就等電話入學堂。又訓練其間有免費乘巴士証(好大張)....................入波之前踏住Brake。祝你成為九巴車長。