canon相機

其實只係睇牌子將相機調較成點,
CANON調較到相機偏向較暖色而已,同時可能飽和度調高左,
黃既情況會嚴重左,不過影相唔可以全靠全自動模式,
要自己調較一下白平衡,因為環境偏黃而靠自動,張相一樣偏黃,
我亦試過同學既SONY DC仔,調完白平衡都仲係好黃,
所以唔太信任SONY既相機,我都係覺得CANON有絕對保證,
至少係日本製造~

210IS絕對唔舊,而且有一部相機已經好好,
唔係個個都有閒錢去買相機玩,而且210IS既功能亦好新,
有魚眼同模型效果,1400萬像素、5倍變焦、3.5吋 TOUCH LCD、
高清短片、24mm超廣角,已經係新機中,規格上好高端,
24mm係現時最闊既超廣角,影團體照、風景照非常有利,
5倍變焦已經夠影風景、人像相片,1400萬像素亦夠曬12R相,
而高清短片係canon機中亦已經發展穩定,質素唔洗擔心~

touch唔一定唔耐用,睇你平時點用,用得多唔多,
我同學部SONY影相雖然唔出色,但係型號都已經兩年前,
依家仲用緊,係TOUCH MON黎,所以唔一定唔耐用,
春天更要小心打理相機,潮濕好易整壞相機,最好有防潮箱~

2011-01-02 23:56:37 補充：
數碼相機當中,我用過CANON、PANASONIC、NIKON、OLYMPUS等牌子,
相信CANON係最好既一個牌子,功能上雖然唔會好多專業既下放落入門級機,
但係質素係好好~
PANASONIC因為有LEICA德國名廠鏡頭支援,所以質素亦有保證,
但最有質素只係其LX系列既機種,其他只屬一般~
NIKON將主力投放於單反研發上,所以DC上佢好少發布新機,
功能同規格仍未追得上潮流~
OLYMPUS既防震仍有待改善,畫質始終不及CANON,高ISO雜訊控制亦要改良一番~

老實講，部機本身自動白平衡(Auto White Balance)準唔準會影響d相影出黎黃唔黃。
我自己有用開Canon DC仔，都係要黎影下生活照；正常情況底下開返閃光燈就唔會有嚴重偏黃。就算黃，其實都有個辦法解決，就係自己較返白平衡，例如陽光、陰天等等，其實都好易較，係咩環境底下就用返咩公仔，如果都係唔準嘅話你甚至可以自訂白平衡。
自訂白平衡都好簡單，係你個環境嘅光源底下對住一張白紙set，就啱架啦。
其實我諗你要求都唔駛咁高，只係講下俾你聽可以咁做。
部部機set法唔同，有興趣嘅話可以睇返說明書，不過如果用閃光燈就多數唔駛較，唔開閃光燈偏黃嘅機會就會大d，呢個問題係所有數碼相機都有架啦。

至於210IS呢，都唔係好舊嘅，舊年2月出，老實講而家d機仔出得好快，唔駛追新款嘅，因為幾年先有大躍進，但係嗰d功能你都未必用得著。
呢部機我覺得你絕對夠用，一來Powershot系列一貫有唔同模式俾你揀返，例如影夜景用返夜景模式，甚至有d手動模式，如果你對影相有興趣先再理啦。
或者你都可以考慮其他機款嘅，我見呢部機有成14x光學變焦，都可以zoom得幾遠下，但成像就會相對下降，同埋你用唔用得著啦。

你有咩野都可以再問，我會盡量答你。
有興趣仲可以睇埋 http://www.dcfever.com/cameras/readreviews.php?id=1317
有唔同用家嘅評語。

在攝影界，很多人以為canon D 相機有質素，就連dc亦是如此，事實上dc之ccd感光元件，canon並冇生產，這些元件都是向外購買；與dslr之生產是不同的，dslr之cmos感光元件是自家產品。個人認為canon之dc都是很一般，並無太大優勢；而dc最好之品牌應是panasonic，與leica合作；鏡頭設計，乃至電子部份同樣出色。
至於相片偏黃或偏藍，則視各人之喜好。部份較好之dc，是可以調節到的(微調iso值)。
如果想影燈飾，我相信sony之tx-9可以幫到你，它有一特別功能，可連續快拍3張相片，合成一張足光度之相片，對拍燈飾極有幫助，可手提拍攝。唯該相機是觸屏設計(至潮相機)，並不太耐用；好處是並不太昂貴。

2011-01-02 15:06:00 補充：
觸屏當然不耐用，通常年多就要維修觸屏系統，因經常觸碰顯示屏，所以t系列相機都只算是至潮相機。
而觸屏都有好處，就是可設定追蹤目標對焦；可直接於相片寫字做記錄；而且防水滴亦較容易做。
sony另一部wx5是具相同功能，但使用傳統伸縮鏡頭，亦不具備觸屏控制，通常耐用很多，價錢更平，在$2700之內(標價)，正價可再低d。

啲相黃唔黃,舊時就要睇用啲咩飛林,而家就睇啲軟件.數碼相有軟件,你鍾意
點改都得.
個saie想袋多啲落袋,saie部貴啲比你.如果我係個sale,我都想個客買部賣價
机啦.
平時影吓,無特別要求,可以用無問題.

您好， 我推薦您一個網站，一個對手機設備，攝影設備最新產品價格以及產品評測的網站，上面還有很多實用的小技巧，常用知識。

http://www.digital-price.net

希望對您有用