點樣先係一個好男友？

同女友仲有幾日就四個月，我女友係一個由細到大都比朋友比家人寵壞，性格野蠻亦唔識諗別人既感受(已十八歲)，佢家人同朋友都好錫佢，乜都就晒佢、錫晒佢，鬧佢更加無。所以佢對我要求對我黎講係好高，因為佢話我係佢男友，應該要比佢既家人同朋友更加錫佢，咁呢個理由我都覺得合理。
係一齊呢段時間入面，大家離離合合好多次，好小事都嘈交，小事化大......係我唔夠就佢、唔夠錫佢定係我唔識去愛佢？人地話有時女友會發下小朋友脾氣、要人氹下，我都會氹，但好多時候女友都無理取鬧，佢知道唔係我錯，佢就算知道自己錯，唔會認錯。我覺得好委屈，明明唔係我錯既野都講到我錯，我有時真係好唔開心，好想佢氹下我，但相反氹人既係我，佢幾乎日日都係咁，我就每日都氹氹氹，有時氹足整日......真係有累既一日......人地話，女友可以縱容，但唔係容忍。有時我真係好辛苦，即使佢無理取鬧，我都埋怨唔到，我有同佢講過呢啲問題四五次，但佢都聽完無野，無俾反應，反而話我錯......最後，又不了了之。我又要為我既「投訴」負返責任氹返佢...... 究竟佢愛人既方式有問題定係我要求高？呢段日子裡，我地出街，主動拖佢手、錫佢、攬佢同埋氹佢，從來係我做，其實呢啲野邊個主動、邊個做氹無所謂，但有..... 我覺得呢啲野唔應該係固定一個人去做，每次都係我主動每次都係我做氹，我都渴望俾人氹下........佢令我每次愛佢激情都慢慢淡晒......但係我好肯定佢真係好愛我，大家都有性行為，我應該點做好？此外，想請教大家應該點氹女仔好？因為我氹人唔係好叻，來來去去都係果幾句.....點樣可以搞下浪漫啲？同佢又住得遠，有時一星期見一次，有時兩星期先見一次......我想同佢過得幸福啲，好過而家咁日氹夜氹無乜幸福咁..... 係呢段日子入面，剩係得四分一時間我係覺得幸福過......