歐洲自由行急問

樓主個行程問題唔大，因為日數夠多，以下係小弟既行程建議﹕英國(只去倫敦) > 法國(只去巴黎) > 羅馬 > 佛羅倫斯 > 威尼斯 > 瑞士。呢個係最典型既行法，由倫敦去巴黎坐歐洲之星，巴黎至羅馬搭飛機，意大利城間交通及到瑞士都搭火車，樓主可以由瑞士蘇黎世(Zurich)或日內瓦 (Geneva)搭機番香港。

我當樓主去盡25日，由於2日搭左飛機，所以實際得23日，以下係各地既建議時間﹕倫敦2日，巴黎5日，羅馬4日，佛羅倫斯3日，威尼斯2日，瑞士少女峰 及山腳Interlaken3日，瑞士南部馬特杭峰(Matterhorn)及山腳小鎮策馬特(Zermatt)2日，到琉森及蘇黎世(或日內瓦)2日。 當然上述全屬建議，樓主完全無必要跟，只係我覺得咁樣個行程會舒服啲及睇到多啲野，樓主絕對應該根據需要增刪行程。

至於火車証，小弟認為係意大利唔需要，因為只搭幾程火車，加上意大利啲火車唔算好full，就咁買飛就得。但去到瑞士就最好買火車証Eurail Pass，因為係瑞士無時無刻都搭火車，無張Pass你寸步難行，而且張Pass送埋係Interlaken3個鐘遊湖，非常抵玩。至於意大利既火車飛， 你去到羅馬Termini買都無問題，或者你可以上意大利國鐵個網www.trenitalia.com訂定飛先都得，自己print張收據出來然後去羅馬Termini攞齊飛即可。

關於酒店，小弟唔建議係意大利或巴黎住Hostel，因為其實當地既平價酒店唔係好貴，但平價酒店已有獨立房間及洗手間，比起同三唔識七既人住好得多，尤其係傳聞巴黎及羅馬治安唔多好，更加要小心。但瑞士就唔同，瑞士既酒店真係好貴，如果搵到環境唔錯既Hostel，應該住下，但仍要小心財物及人身安全問題。

您好，我推薦您一個很不錯的面向香港地區的旅游網站，里面包括各個网点的介紹，比如中國，日本，美國，加拿大，歐洲等地區，以及當地的酒店預訂，機票等信息。

http://www.hktourism.info

祝您一切順利！

(1) 21日去 4個國家係會急左少少, 不過都要睇下你想去邊 d 地方. 假設只在 London, 其實 3-4 天已經好足夠, 去到法國, 只留在巴黎, 都係 3-4天玩夠 (主要景點) 所以睇你自己既安排.


(2) 你可以香港飛去英國, 在英國坐 eurostar 去法國, 之後行用火車証.... 可以揀在意大利走人.



(3) 住宿地方可以係呢度搵下 :


http://www.booking.com/ http://www.wotif.com/