衝黃燈(15分)

衝燈相機一定係紅燈你駕車先過白線至影, 黃燈唔洗驚, 影出黎張相可以向交通申請睇, 會明顯有兩張相, 一張紅燈+你駕車係白線後, 另一張係紅燈+你駕車過緊路口, 如果夜晚好易知有無影, 因為會有兩下閃光燈。 >_<

至於鐵馬就唔同, 黃燈都抄得, 因為佢可以話你可以安全情況下停車而故意衝過去, 上到法庭交通警可信性差不多係無可質疑, 入硬。不過, 超過99%都係會即時截停你抄, 因為萬一你唔服上庭佢勝算大好多。的確, 交警有俗稱"掟飛標"的告法, 即係可能追你唔到, 記錄低你車牌同違例詳情, 再寄信去車主地址要求"交人"然後出告票。不過好少有交警會咁告法, 因為佢會做多好多野, 又容易D比你打甩, 所以, 我估你都唔洗驚, 應該過左關。

真係告你的話, 唯一辯解理由係你當時如果停車會造成即時危險, 例如有架24噸車高速貼住你屁股, 完全無收慢跡象或者佢根本無可能停到車, 咁你就局住安全情況下定速過路口啦。

報紙都有賣，警察通常都不會嚴格執行，除非有事故發生。
衝燈機只是影衝紅燈，黃燈不影。
關於黃燈，運輸署的《道路使用者守則》有指引：
http://www.td.gov.hk/tc/road_safety/road_users_code/index.html
道路使用貼士 > 道路使用者守則 > 目錄 > 第八章道路語言 > 指示車輛的交通燈
綠色燈號之後，便是黃色燈號。黃色燈號亮著時，除非車輛過於接近路口或行人過路處，以致突然停車可能會引起交通意外，否則應該停車。

首先你第一盞燈有冇衝燈相機先？如果有，隻馬根本唔洗理你，你當時有冇衝燈，已經由相機判斷。如果冇，你就更加物事都冇，有事隻馬早就招呼咗你。

2010-12-26 14:06:40 補充：
咁就即係乜事都冇，但以後就要小心d喇，有起事上來，「後面有車，所以唔想dup並唔係抗辯理由」在香港有幾何會後面冇車跟尾的？