想問有關腳架問題

唔知你係用單鏡定係輕便DC.不過就算係輕便DC都唔建議買嗰啲百幾蚊,腳管幼幼的所謂鷄腳. 腳架本身強度唔夠,就算小小風吹都會郁,明明用咗腳架操作又正常,但出來既相硬係矇矇地. 初學可以去鴨寮街啲店舖或者街舖買,有啲腳架連雲台既都夠堅固而且幾經濟下,例如Benro既四,五百蚊已經幾好下.如果係DC仔就一定冇問題,單鏡的話就要買負重足夠的. 另外就係高度問題,雖然矮啲係會輕啲,但係構圖會好大限制,成日要低抄,影景還可以,影人會好怪,一般建議係唔升中軸都要到眼平高度.中軸其實唔穏的,只係應急時用.但係咁高會比較重,你要自己衡量下接唔接受到.所以有啲人會買炭繊腳架,但就會貴好多.

2010-12-23 14:47:51 補充：
Benro係國產,好平架喇,幾百蚊可以買到腳架連雲台.
由於係大陸牌子,你去大舖反而小.鴨寮街比較多,鴨寮街亦係平價攝影器材集中地,唔買去睇下都好.
型號方面你可以去Benro網頁睇睇
http://www.benro.cn/ClassicAluminium-1.aspx