貼海報一問~~好急呀

建議你先將海報取下，買一磅膠罐裝的白膠漿 (約10~12元)，一支3吋薄身油掃(也是十元八塊)，以大約兩份白膠漿+一份水的比例將白膠漿攪勻，用油掃將開稀了的白膠漿搽在牆上，第二天貼上海報就八號風球都吹唔甩了。

白膠漿乾透之後是無色透明的，不會影響牆壁外觀。

呢條轎寫包單一定得，如果唔得你就日日都同我寫信嚟鬧我一次。

2010-12-22 14:38:34 補充：
幅牆係灰一定要先"那"實d灰，白膠漿就係要嚟"那"實佢。幅牆搽咗白膠漿就算你唔貼海報，個身"Hi"埋去幅牆度都唔會成身都係白朦朦既灰，連地下都唔會有灰跌落嚟，值得一試。

2010-12-22 16:59:18 補充：
如果嫌煩，可以只在每張海報既四隻角位置搽d白膠漿，隔日才貼海報，一樣痴得實。

2010-12-22 19:45:07 補充：
其實水施拿底漆比白膠漿好，乾透後漆膜比較硬淨乾爽，白膠漿乾透後那層膜仍是軟軟的。不過水施拿氣味略較白膠漿大丁點兒，如果題主不怕對著這些氣味來瞓，是較好的選擇，可以早上髹，打開窗，晚上回到家就不會有甚麼氣味了。

水施拿最少要買一升，沒記錯的話，大約38~40元左右，如果題主只搽海報四隻角就不化算了。

2010-12-24 00:28:07 補充：
如果只搽海報四隻角，買支1吋油掃就可以了。

水施拿底漆.........