升中1是否選第一次自行分配學位

直資學校, 有些有參與第一次自行分配學位的; 沒有的話, 要留意佢地既收生, 可以喺佢地既官方網位搵到有關收生標準同程序, 仲可以download報名表

教署有網頁介紹升中的資料, 應該有齊有關資料

國際學校, 都係上去佢地既網頁搵吓收生資料同手續, 通常都係download表格, 再根據其要求遞交有關文件申請, 不過不少國際學校都要求學生家長購買其學校的債券, 出名的要幾十萬架!

第一輪自行分配學位, 及第二輪的由電腦分派學位, 都係喺七月公佈結果, 就算第一階段, 唔係話三四月面試後收左就要註冊; 反而係嗰啲你自己去報名既直資或國際學校, 先係收左就要註冊.

自行分配學位喺俾學生同學校有自由不受地區限制咁去報學校, 當然如果心水學校喺住址學校網, 你都可以去報. 最多可以報兩間. 你住天水圍都可以報香港區的學校... 學校收到報名表後, 會根據學校內部的要求揀選學生, 學校的網頁會有基本評分要求的資料, 你都可以上去睇吓... 當然名校多人爭, 因為第一輪收生只佔一部份學位, 名校當然會收到超額申請, 咁佢地會先揀選部份學生進行面試, 學校可以向教署索取學生第一及第二次呈分試成績, 加埋申請學生連同申請表交來的學校成績, 根據學業及課外活動表現嚟揀... 面試之後又再揀, 揀到就會交名單俾教署, 咁名單上既學生, 就唔會在第二輪電腦抽韱... 相反如果第一輪所報兩間學校唔收, 咁就會跌落第二輪跟學校網派位抽韱架喇! 無論係第一輪已被收錄或是第二輪派位, 結果都係喺七月公佈.

除左以上派位外, 學生仲可以去沒有參加教署第一二輪派位的直資學校及國際學校報名... 方法如上面所講..

至於第一輪自行分配學位階段, 啲學校以咩準則收學生, 呢個教署唔規定, 只係限制唔可以有書寫測驗 (written test), 一般都係以學業成績, 課外活動表現, 面試表現及操行呢幾方面評分, 不過比重唔同, 名校既學業成績可以佔五成或以上分數, 有啲學校就好睇面試表現... 比重又係可以上去學校網頁查. 名校因為實會收到超額報名, 多數只揀嗰啲有band 1成績既學生嚟面試, 啲band 2或以下既學生, 就算交左表格, 都唔會叫去面試, 即係實唔收囉... 如果連面試通知都無, 就唔使諗喺呢個階段入到架喇!!

所以第一次同第二次呈分試成績直接影响第一輪選校架..

至於第二輪派位, 就會計埋第三次呈分試成績. 而成績及隨機編號分派, 且只限住址的學校網; 不過第二輪都仲有兩部份選擇, 分甲乙兩部; 甲部可揀兩間任何區份學校; 乙部就揀30間指定校網內學校, 以自己心水喜好排序揀學校
電腦會先派band one 成績學生, 在band one群學生中再以隨機編號派位, 由甲部開始, 然後輪到band two學生, 最後咪band three囉.... 即係成績好band one學生, 分派到去首志願既機會會大好多

你個小朋友, 好無信心喺三月尾考試合格咩??? 依家都仲係十二月, 如果唔係太差成績, 都仲有時間谷, 咁呢個聖誕假同農曆新年假, 唔該就唔好去玩, 谷盡啲啦... 考六年級上學期既課程啫!

梗係要參加第一輪自行收生啦! 多個機會呀麻!

至於直資同國際學校, 就搵定啲資料先!! 一般去到五六七月, 直資學校都仲有收生 (名校除外)