✔ 最佳答案
1. 冰、可卡因、海洛英係毒品中嘅三大. 藏有小量都可被控告販運, 罪成會判監.只有在極罕有情况下先唔使坐.你無講1.2克係純度定係粉末重量. 我假設係粉末重量. 根據經驗, 海洛英純度大約係40%, 1.2克粉末大約含有0.48克海洛英.我揾過好多案例, 唔好彩, 都係判監 - HKSAR v CHEUNG WAI WAH: 藏有0.8克海洛英, 認罪, 無相同案底, 判9個月, 上訴駁回HKSAR v DINH HUU DOAN: 販運 0.19克海洛英, 不認罪, 有相同案底 判24個月, 上訴駁回HKSAR v LEUNG CHAN KIT: 藏有0.5克海洛英及微量midazolam, 認罪, 無相同案底, 判8個月, 上訴駁回HKSAR v TAM SIU HONG: 販運 1.09克海洛英, 認罪, 無相同案底, 判16個月, 上訴駁回HKSAR v LAU KAN: 藏有0.16克海洛英, 認罪, 無相同案底, 判9個月, 上訴駁回HKSAR v CHAN CHUNG YIN: 販運 0.42克海洛英, 不認罪, 有相同案底, 判22個月, 上訴駁回你朋友藏有0.48克海洛英, 如果告佢販運, 咁CHAN CHUNG YIN一案會係最接近,會判監大約22個月. 如果告佢藏有, 咁LEUNG CHAN KIT一案會係最接近,會判監大約8個月.警察係呃佢, 想佢認罪啫. 老實講, 唔認都唔得啦! 2. 上庭時間係由法庭定, 並且以傳票形式發出, 即係法庭命令. 無法官命令, 差人都無權更改. 所以佢只可以改自己出外日期, 而不可以因出外而要求改期.
2010-12-22 12:55:09 補充：
其實擔保金金額係根據疑犯嘅潛逃可能而定, 而唔係罪行輕重. 有d人 - 例如菲傭或遊客, 在港無人無物, 走佬機會極大, 就好小事都無得擔保. 而有d人在港有家有室, 犯嘅罪重極兩、三年, 咁就算販毒、傷人, 都可擔保. 佢單嘢咁少量, 坐極都係一年半載, 因為咁而走佬機會極細, 所以擔保金咁平. 但唔代表一定唔使坐.
2010-12-22 12:55:22 補充：
佢認罪, 同警方合作, 案情又簡單, 問兩三個鐘就夠啦. 而且如果佢唔係寸寸貢同差佬撑到恆, 警察唔會玩佢, 扣留佢咁耐. 所以問話時間長短同判乜刑罰係無關嘅.
2010-12-22 12:55:37 補充：
根據許守城案例, 販運k仔嘅判刑指引係1克以內可當藏毒, 刑罰由個官自行決定 (即係可以未必判監)、1-10克2-4年、10-50克4-6年.
而根據劉德明案例, 販運海洛英 / 可卡因嘅判刑指引係10克以內2-5年 (無咗1克以內由個官自行決定) 、10-50克5-8年.
好明顯, 海洛英刑罰係重過k仔.
2010-12-22 12:55:54 補充：
在R v Lam Wai Ping 一案中, 法庭認為針對藏有 (不是販運)小量海洛英, 判刑8-12個月係適合嘅. 而在HKSAR v Tang Sze Woo及HKSAR v Cheung Hoi Lan 兩件案中 (分別藏有0.15克及0.09克海洛英), 法庭認為判刑8個月及6個月係啱嘅.
2010-12-22 12:56:10 補充：
再揾到d判刑案例:
HKSAR v SUBBA SIWANI: 藏有0.22克海洛英, 認罪, 無相同案底, 判8個月, 上訴駁回.
HKSAR v MOK HING LAM: 販運 0.39克海洛英, 認罪, 有相同案底 判18個月, 上訴駁回
HKSAR v CHAN KWOK PING: 藏有微量海洛英, 認罪, 有相同案底, 判6個月, 上訴駁回.
2010-12-22 12:56:34 補充：
雖然三唔識七, 我都希望佢大步蹺過. 但實際d, 佢應作最壞打算. 到時判輕咗, 就鬆口氣啦.
2010-12-22 13:00:45 補充：
**本來我唔答匿名問題, 廢事你睇完答案就删除問題, 浪廢我心機之餘亦影響我成功率. 但見你個問題可幫到其他網友, 即管答你. 希望你唔會睇完答案就删除問題.**
2010-12-22 13:14:31 補充：
據我所知 (100%準確), 在最近嘅 HKSAR v 陳灝然 [HCCC238/10]一案, 被告原被控強姦罪, 但陪審團裁定強姦罪名不成立而交替控罪非禮罪成, 被判入獄兩年. 佢嘅保釋金只係$1000. 如果佢強姦罪名成立, 會判起碼8年 (佢個同案認強姦罪兼做控方証人, 都判咗4年半). 所以保釋金金額同判刑係無關係嘅.
2010-12-22 13:18:42 補充：
再講多次, 我都希望佢大步蹺過. 但佢應作最壞打算. 到時判輕咗就好啦, 真係要坐, 都唔會倒瀉蘿蟹 (例如交卡數、家人生活費). 呢個advice我係俾我所有client嘅, 而家免費俾你.
