大陸出品私家車呔

老實講我無用過，我真係驚，我朋友個朋友就用過，聽講都ok，但他揸斯文車，唔會過100km，你問一吓自己會唔會間中飛先，若間中飛吓我勸你唔好用。我個朋友(唔係朋友個朋友)話條軚好易硬化兼老化，但中國咁多商用車軚出口到美國都無問題(美國仲要對中國出口的輪軚收反傾銷稅)，但我諗就唔好用，因為輪胎和迫力都是把關安全性，差輪胎大雨或成日要車屋企人的話用好少少啦!免因小失大，修車費仲貴。我本人建議你用韓國車胎，如:韓泰或錦湖。我以前條17吋都用錦湖。約6xx頭一條215.45.17， 我現在用225.40.18軨都係約7xx一條。

2010-12-23 11:33:04 補充：
出口美國的車軚當然無問題兼合美國佬要求合格才出口，但中國所出口唔係什麼高性能輪胎，而是大型車輛輪胎。如貨櫃車，一家輛貨櫃車連拖架就要用上十條以上輪胎(拖架後四個車輪係孖車輪)，未計士啤胎在內，若唔用中國貨一次換十條八條會好金，唔用中國平胎會大大增加成本。中國所出口輪胎大多數係用於重型車輛，當然亦有私家車，但會就當地用的較冷天氣用輪胎，就像落雪會用雪胎，香港唔會用有釘的雪胎，高性能輪胎一定無中國份。中國只出口平價輪胎，志在薄利多銷。如果你係大匹數(過200幾匹以上)如turbo車就真係唔好用大陸車呔，大陸車呔咬地力差，過彎高速啲啲都無信心。