點延續同搵話題?

同d顧客都無乜野傾啦,最多都係有禮貌d叫句早晨先問佢食乜野,收錢耍講聲多謝咁啦!
至於大家同事,你當然係主動d同人打招呼,開工叫大家早晨,您好之類,有乜野唔明就客氣d問人啦!
同事初見面要先講自己乜名,然後問:"點稱呼你呀?",咁就知道人地乜名,亦可以傾一兩句關於工作方面的情況了!
其實工作時間大家要做野都無得閒談啦,總之自己唔明要人地幫手,或者人地指點你之後,就講多句唔該晒你,多謝晒你,咁人地就覺得你有禮貌而唔係覺得你煩咯!

人地教你或者同你講野,要有d反應,如果你同意人地講得啱,應該咁答:
"係呀,咁真係好d喎!"
"唔該晒,好彩你講我知,我先知道要咁做咋!"
"乜原來要咁樣先至啱,真係多謝你講我知喎!"
你照以上幾句咁樣答,點都好過淨係得一聲"哦"吖!
因為大家唔熟,如果你唔同意人地講d野,都唔好反駁人地,笑笑口點頭唔出聲萛啦!
總之盡量對人親切友善d,唔需要講太多野,就等人地轉話題啦,大家唔熟暫時都係附和人地意見先,咁大家慢慢一定容易混熟的了!