想買新TV

如果你預算足夠的話.LED電視理論上係比LCD電視好的.LED電視顯像原理其實都係用LCD面版,最大分別就係LCD電視係成個面版後面既背光燈一齊發光.只靠LCD畫素開關去表示光暗位,而LCD畫素係冇辦法完全遮擋背光燈的光線的.輕微既灟光就會令黑位變灰.間接降低了畫面對比度.LED電視發光原理唔同.佢係由好多可以獨立發光既LED做背光燈的.LED燈會跟據畫面需要開或關,光位先發光,黑位就關閉.所以黑位係可以幾乎全黑.唔會變灰.畫面對比度較高.特別係畫面同時有極光及極暗部份.LCD即使用自動光暗調節都解決唔到時,LED就有明顯優勢.不過要留意雖然同樣係LED電視,LED燈既數量係會有分別的.數量越多越能照顧較複雜畫面,否則遇有光位好細面積既時候就會因為LED燈太大粒而做成光暈.

Thank you!!!