30歲學游水

我都係差唔多先去學.
遲唔遲要睇你要求點.

如果你只係要求自己, 可以參加所有渡海泳, 可以考拯溺, 可以考教練, 30歲就仲未遲.

但如果你要求係, 要喺區際公開賽之中, 唔只唔包尾, 你仲要求係一定要有獎牌. 50m 游 26 秒內, 就真係遲喇.

平時我地都有聽開, 「30歲之後身體只會退化」. 包括給收鈣質都會退化.
但係, 我就覺得只係「極限會下降」,
即係如果以你體質, 你由8歲開始每星期操 4 日, 可以去香港青年軍咁計,
你而家都只係無可能去到青年軍, 無可能入到港隊.
但一般泳池裡算游得叻嘅, 就有排都未遲, 好有機會可能達到.

游水係極講心肺功能嘅運動, 而心臟功能係隨年齡而減少, 所以好多游水叻嘅, 11歲就代表國家, 25歲前就退休.
如果你話要游到去亞運, 要咁先 ok. 咁就真係遲 ga 喇.

所以要睇你要求同目標.


其實游水好易, 好多人怕水真係好可惜.
我都係同你咁上下年齡先學, 而家學左 2 年, 已經足夠游 2.4km 渡海泳有餘.
學一年已經搞掂晒 4 式, 學年半已經可以以自由式連游 100 個長池 (5000m).

你有好嘅方法, 其實就好易上手.
你有咁上下年齡, 有咁上下理解力, 亦捱過咁上下苦,
所以只要你有好嘅途徑去自學, 自己安排進度. 自己平均每星期去 2次, 每次要達到某個你未做過嘅目標先走,
就好快學識.
建議你去 youtube 搵 goswim. 就大把專業過香港大部份泳班嘅教學 ~


學游水唔好去大海.
大海遠比泳池危險. 如果泳池危險度有 20, 大海最少有 200.
泳池, 最大件事只有不自量地頭先落水咁跳水, 同埋心臟有問題而暈左之後吸入大量池水無法呼吸而致命.
再唔係就帶 con 入泳池, 令細菌入眼 ; 或經驗不足而喺泳池嘔.
如果唔係, 其實只有普通刮傷, 或夏天晒傷.
無乜事可以發生~ 你放心.

只要你初學時, 未有餘力連游 50m 時, 就要揀腳掂到地嘅池練.
同埋要重視口吸鼻呼, 水內只做用鼻呼氣, 這個基本功,
只要你仲有意識, 你唔係暈左, 你喺泳池一定唔會再好似你以前喺大海咁
放心 !

副池 (1.2m深左右) 可以俾泳客帶泳板去練技術及某部份嘅力量 ;
而主池就唔俾, 除非泳會組左線, 你嗰時係泳班,
所以, 非泳班嘅, 其實主池往往只係做運動, 而練技術, 對技術有較好掌握嘅, 都喺 1.2m 副池.
所以唔好因為去一個掂到地嘅池練習而自卑.

有心唔怕遲！我試過係海灘遇溺，俾人笑我，喺嗰年暑假，我決心學游水，終於趕得切喺暑假臨放完前游二百米俾佢地睇。唔識游水不但會俾人笑之外，夏天班朋友叫你去沙灘你去又唔係吾去又唔係，去咗就要落水，班朋友知你唔識游水分分鐘掠你落水添，如果你唔去，右好似好掃興，總知就左右做人難啦！如果你喺冬天「秘密練兵」，學成之日就差吾多係夏天啦！年齡不是問題，最大嘅障礙係心理包袱啊，而家暖水泳池到處都有，泳會更開始發展成人班，支持您，有心吾怕遲！

唔遲,一定學得識,我之前都有遇溺經驗,因為工作需要,所以一定要學,我搵人介紹左私人教練比我,佢知道我有遇溺經驗,佢好有心機教我,令我克服心理障礙,我依家都學識左啦,,,所以你都一定得,如果你真的有心想學識,我可以介紹我教練比你丫......

你試下亞洲泳聯, 包學識, 可 以簽包學識約保證

我表哥 表弟 表姊 表妹都係亞洲泳聯學識游水 ga
亞洲泳聯可能係亞洲最好ge游泳會,
去亞洲學la

仲有我兒媽 姑姐, 個個都係亞洲泳聯學識游泳ga

網址http://www.asiaswimming.com

只要有恆心 任何事都可以做到