香港有甚麼地方光害少，觀星的理想地點？（最好交通要方便）

既然要觀星，自然個地方要夠黑。因為要遠離光害，所以良好既睇星地點都係郊外，而且啲地方一定頗為偏僻，交通方便既地方必定燈火通明，根本乜都唔駛睇。而剛好馬鞍山新市鎮正正係香港光害其中一個最厲害既光源，如果樓主唔想去離馬鞍山較遠既地方，完全唔駛唸住有星睇。係觀星地點中，交通比較方便少少既有船灣淡水湖主壩、龍虎山山頂、大嶼山水口村同塘福村，另外石澳同都唔錯，長洲同塔門據聞都幾好。交通唔方便既熱門睇星地點有萬宜水庫東壩、蒲台島等。有兩個地方要特別介紹，一度係西貢既灣仔營地。呢個灣仔唔係香港島有會展嗰個，佢係西貢一個熱門既露營地，如果天氣好，真係滿天星斗，小弟曾經係嗰度睇左一晚星，見住啲星東升西落，仲要透過雙筒望遠鏡見到七姊姊星團嗰七粒星閃到好似鑽石咁，真係睇到唔捨得走。另外一個值得一去既係香港島南部既大浪灣，嗰度水清沙幼，光害又少，睇星都唔錯。如果樓主想入camp玩連睇星，咁麥理浩夫人渡假村就絕對一流，嗰度有個觀星台，我就曾經係嗰度訓左一晚睇足成晚星，同樣令人非常難忘。

樓上有人講開天文公園，小弟之前去過，必定要講下。天文公園位於上述西貢萬宜水庫既西壩入面既創興水上活動中心隔離。呢個地方都唔錯，以觀星經驗少既人來講算幾好，天氣好既時候可以見到幾個大星座，甚至係較少見既南極老人星。不過，有經驗既人都會發覺呢度由於有較多人為燈光，其實情況比最好既西貢灣仔、大嶼山水口村同塘福村及萬宜水庫東壩明顯差一截。當然，上述最好嗰幾個地方真係幾難去，如果觀星經驗不多，去大尾篤既船灣淡水湖堤壩係最方便、最好既選擇。

I think Sai Kung will better, because their had a astronomy park, and the sky of Sai Kung was good!