電壓電壓電壓

多只電池串接可以提高電壓，串得越多電壓越高。
發電機轉速快一點，電壓也隨之會高一點，如單車的發電機。
交流狀態下，火牛的次級繞組圈數越多，電壓越高。
開關式火牛，提高頻率和限壓回路的數值，電壓也會提高。
聖誕將近，送名貴禮物比女朋友，你兩個之間的電壓也會有所提升。

電壓計又係咩原理?
行針式—磁電換能原理，通過線圈在永久磁石的磁場下偏轉。
數字式—通過電阻分壓後用晶體管或 IC 電路轉化為數字顯示。


2010-12-14 15:46:05 補充：
講緊既當然唔係三唔識七，求其答訕果隻，幾杯啤酒噴口水的那種。
應該係黎真果隻，本身已經有少少過電，或者中度漏電，平時都糖黐豆，三日不見如隔三秋，去完夜街，返到屋企重要關起房門褒成個鐘粥果種，送左個成萬幾銀既手袋，重唔馬上升壓我就唔信，分分鐘升過龍，跳晒火，出事都有可能。

2010-12-14 19:44:53 補充：
搪開個心會死人架，留返比你搪拉 915，我重要追女呀！

送名貴禮物比女朋友會嚇死女朋友，除非已經好親密。

2010-12-14 14:36:14 補充：
不過遇著material girl例外，可以拉近雙方距離，距離近到咁上下既話...嘿嘿
一個嚇死，一個嘿嘿，兩者都唔可以提升電壓。

2010-12-14 16:38:32 補充：
如果送萬幾銀既手袋，升既係女朋友既血壓，揸住出街又驚俾人搶，放係屋企又驚發毛，擺係保險箱又驚好似星展銀行咁俾人丟咗出街，都唔知點算好。
計我話應該割開個心俾女朋友睇。