DIY木地台問題

痴木皮需要專業技術，行外人搞唔掂，唔使諗。其實釘洞可以用平底漿加色粉填平，外髹一層力架就OK，如果又唔俾用釘膠痴，又唔俾用釘釘，都可以既，就咁放件板上去囉。不過要詳細了解你呢舊嘢既結構。
你呢舊嘢成個係田字形，田字既上同下就係你所講既冇咗床頭同床尾板既位置，成個田字既總面積係4呎X4呎=16呎，田字裏面每一格既面積係1呎X1呎=1呎，啱唔啱？
我要知道邊度係見光既位置，所以你要話我聽你呢舊嘢隔離左右既環境，例如田字既12點位置係咪牆，田字既3點位置又係咪牆，田字既6點位置係咪床，田字既9點位置係咪見光，你呢舊嘢係咪擺係房，呢舊嘢係咪要放雜物喺裏面，呢舊嘢隔離左右有幾多空間剩？等等等等....

2010-12-13 21:46:56 補充：
咁我相信你既原意係想將呢舊嘢做成目字形而唔係田字形，你啱，咁會易搞d ，我而家終於醒覺你冇我咁蠢。

你一於用釘膠或者白膠漿加傢俬釘嚟做呢舊嘢啦，如果就咁放上去到咗北風天d板分分鐘炒起好似元寶咁。

如果呢舊嘢入面唔使放嘢而只係放多兩舊嘢喺呢舊嘢上面，咁牆身果面(或者果向)同地下都根本唔使木板，因為唔怕朝濕。釘條木坊然後再冚件木板喺木坊面就得，呢個B計劃簡單d，木板都慳d，不過一定要有油壓鑽，如果你冇就問朋友借，如果朋友唔肯借你就落咀頭氹佢，如果氹都氹唔到就打佢，如果佢打死都唔借就唔使講嘢，A計劃。

咁到底A計劃定B計劃？

2010-12-13 21:47:01 補充：
仲有，如果本身地面又斜又彎B計劃就比較難搞，通常地台磚會比木地板平順，咁你果個地下係鋪咗地磚定地板？

2010-12-14 17:31:00 補充：
題主，你而家意思係咪想將A計劃同B計劃都流產，繼而推出C計劃？

你意思係話﹕其實你勞師動眾想整呢舊嘢，原因只不過係因為你晚晚都攤上去既千層糕側邊好樣衰，所以想整呢舊嘢嚟遮住千層榚既側邊。係咪咁理解呀？

咁你裁塊啱心水既布用魔術貼痴係千層榚側邊咪得囉？

2010-12-15 00:05:44 補充：
寶麗板同啞白膠板都唔靚，市面上係冇痴好左木皮/防火膠皮既木板買，你想要黑色有木紋既木板可以自己買塊橡木夾板返來用萬能膠痴係6分夾板上面索色，夾板邊釘條2分x1吋橡木線收口。不過橡木夾板冇碎料買，一買就要買一大件4呎x8呎。

此外就只得一個方法，就係訂造。

2010-12-15 08:27:19 補充：
對不起，雖然在下有MSN/FB戶口，但我不喜歡玩的，抱歉。
板同板釘埋的話用螺絲OR用長釘都可以，其實你可以係五金鋪買兩塊L型不銹鋼角碼收係兩塊L型板內側，收好後才拍塊板埋千層榚側邊，夾板一頭尾同樣用L型角碼收係牆身，就見唔到羅絲洞了。這種方式直接收羅絲係夾板上就可以了，唔使先鑽洞。做好哂才掟番千層榚入去入面。
若收羅絲要穿過夾板收係另一塊夾板，先以油壓鑽加索頭用風鋼鑽咀鑽一個洞會比較易收，同時要先用和羅絲頭一樣大的鑽咀或菊花頭撥大夾板洞約2mm深，等羅絲頭可以藏入夾板入面唔會突出來。

2010-12-15 08:27:26 補充：
買6分板大約幾多錢...介工錢 可問以下呢間木行，有碎料買，有介床，介得好直。
黃河木行。九龍旺角塘尾道85-95號長豐大廈A-M舖地下 2412 2335

痴防火膠板定木皮好? 難易黎講
如果冇架生，防火膠板會更難。要用囉機+啤令囉咀、勾刀、萬能膠刮等。

木皮,木皮夾板有難度,要架生,可以用木紋膠地板,但要注意修口.