漫遊接收短訊要唔要收錢???

用戶211435

2010-12-13 8:13 am

琴日過澳門玩, 電話轉左去漫遊. 一去到果面就即時收到當地的電訊商的垃圾sms
1. 接收當地的sms 會唔會照收漫遊費架? 我前前後後都有收到10條左右的sms喎, 如果要收費咪好冤枉?
2. 響澳門其間, 有人打過電話比我, 不過我係無接聽的. 無聽係咪都要收費架? 聽講電訊商一向不論聽唔聽電話, 只要電話有響過就要收費, 係咪真架?
3. 響澳門果時唔小心壓到電話d掣(後來才發現的), 打了電話返香港, 不過好彩係打唔通的(因為未有打國際區號). 甘打唔通的電話會唔會照當漫遊收費架??

家下好擔心呀, 唔該各位朋友解答下呀~ 唔該!!!

ps: 我是用peoples $35舊plan的

回答 (1)

天天

2010-12-13 6:30 pm

✔ 最佳答案

接收當地的sms 會唔會照收漫遊費架? 我前前後後都有收到10條左右的sms喎, 如果要收費咪好冤枉?

在世界任何地方手機漫遊收短訊都唔使畀錢.發短訊至要收錢.

響澳門其間, 有人打過電話比我, 不過我係無接聽 . 無聽係咪都要收費架? 聽講電訊商一向不論聽唔聽電話, 只要電話有響過就要收費, 係咪真架?

漫遊時候,有來電冇接, 有兩種情況:

1. 有得佢響到自動停嘅話, 冇問題, 有冇跌落留言信箱都不需要收錢
2. 你按拒絕鍵,有時當地電訊商的機樓會當你打電話番香港(因為有signal send 出來) ,收你漫遊錢.

所以穩陣的做法是漫遊時唔想聽嘅電話, 有得佢響到自動停.

響澳門果時唔小心壓到電話d掣(後來才發現的), 打了電話返香港, 不過好彩係打唔通的(因為未有打國際區號). 甘打唔通的電話會唔會照當漫遊收費架??

漫遊時候,打唔通的電話或冇人接的電話唔使收錢 (用HOME CALL 方法除外).

👍 0 👎 0