影日落、煙花鏡頭一問

其實影煙花你支Kit lens都可以,除非你離發放區好遠或者想特寫某一朵煙花.影煙花通常都收到好細光圈,畫質都唔會點差,唔駛買貴镜.至於影日落如果要帶景,其實都唔駛太長焦距,不過有支長鏡個太陽可以影得大啲,所以買支55-250mm都係好的.Sigma 18-200mm就唔建議喇,又貴畫質又差,除咗方便啲唔駛換鏡,用偏光鏡唔駛轉來轉去,同埋有金屬接環之外就冇乜好處,如果你係指舊版冇防震嗰支就更加唔好制.變咗下下要帶腳架,連方便都冇埋.Canon 55-250mm新鏡都係千幾蚊,建議買新既,二手的話要平過一千蚊先好買.

2010-12-10 22:00:25 補充：
咁真係好難三言兩語講得晒.
影呢幾樣題材都最好有腳架.因為多數係用細光圈影.
燈飾要注意測光,因為光差大好容易會令燈飾過光過暗.光圈建議用F8-F16.
日落都係差不多.要點係要太陽夠暗先影,否則點較周圍都係黑麻麻.唔好用自動白平衡,設定做日光比較好.
影煙花建議用F16,爭取多啲曝光時間,影多啲煙花,可用B快門,黑咭,控制煙花的數量.