Blu Ray機睇DVD問題!!!高人請指教!!!感謝!!!

DVD受制於本身解像度,清晰度一定係遠遠不及Blu ray的.冇錯Blu ray機甚至部份DVD機係可以將DVD增線到1080p.不過其實原理只係同用電腦插值將相片谷大解像度咁上下.至多冇咁易起格,矇既地方始終都係矇.如果倍線線路唔夠好分分鐘仲會衰過冇做.其實就算部Blu ray機唔做增線,部電視本身都會做.有啲好既電視甚至做得好過啲平價Blu ray機.如果DVD只係用電子線路增下線就有接近Blu ray碟質素,咁恐怕貴成倍既Blu ray碟就唔會有人買.你可以先去檢查下你部Blu ray機係咪已經設定做1080p增線,之後再比較下究竟係增線定唔增線好.應該唔會差好遠,不要抱太大期望.色差係HDMI以外,另一種可以傳送高清訊號的視頻端子.佢同HDMI既分別係佢係模擬傳送方式.而HDMI係數碼傳送方式.適合一啲冇HDMI既電視機.由於模擬傳送較易有訊號損失.所以除非電視機冇HDMI輸入,否則都係用HDMI好.HDMI只有一種格式,HDMI-DTV或HDMI-PC相信只係方便使用者唔好插錯位.

2010-12-08 19:21:44 補充：
Blu ray機睇唔到正版DVD有可能係區碼唔啱.Blu ray機唔同DVD機,大部份都唔係全區碼的,只可以睇到三區或者全區碟.
仲有機會係真係隻碟有問題,有時第二啲機鐳射光束強可能睇到都唔定.

2010-12-09 06:39:37 補充：
似乎冇喇,以前有人改DVD機,Blu ray機就好似未聽過.因為買部DVD機都係幾百蚊,改機都要幾百蚊,又冇咗保養,所以都冇人做喇.