跪求! 澳門一日遊行程 懇請有心人指點迷津! 10點

1. 不用訂船飛, 船公司係碼頭有櫃位的, 去到碼頭即買即上船. 由於船飛是公價, 如果去旅行社要book埋酒店既套票先至有得平, 所以如果即日來回既話, 去到碼頭才買船飛. 另外預先去book船飛既話, 有個唔好處: 就係要你即時confirm埋上船時間, 例如firm實要8:00am船, 你要預早最少半小時去到辦理離境手續及登船閘口等候上船, 如果因為塞車or其他原因遲到, 張船飛就會失效及重新買飛, 去到才買就穩陣d及唔駛因為要趕船攪到趕頭趕命.
2. 由於你既行程去好多地方, 會好趕, 所以早d去. 尖沙咀中港城的船頭班船係7:00am, 係d個時間出發, 去到澳門大約8點多...再食埋早餐開始玩就差唔多.晚上可以食埋晚飯才回程, 但所有船公司在每晚6點後都會加收夜航附加費($20).

行程1:
早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去戀愛巷+聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到戀愛巷及聖安多尼教堂及白鴿巢公園, 果條路仔有好多古董賣的), 跟住可以去埋附近的澳門消防博物館, 地址: 澳門連勝馬路2-6號.
中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂.
傍晚可以落一落去位於新口岸的觀音像及宋玉生公園參觀. 晚上可以去漁人碼頭玩. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 之後順道去埋賽狗場附近的三盞燈睇特色街燈.
行程2:
早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的.
中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可! 以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半).
晚上可以去附近的熊貓餐廳食地道的萄國菜及去威尼斯人渡假村. 請緊記要預鬆D時間由氹仔出返碼頭, 因為預左會有少少塞車.
行程3:
早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡. P.S.: 當你去到澳門後, 記得在碼頭的遊客服務中心攞番份免費澳門地圖及巴士路線表, 到時就唔會唔識路及唔駛怕唔知知點搭車. · 另外, 到了澳門落左船離開碼頭一直行, 會有好多酒店及賭場既免費專車提供接送服務, 如果有車會去到你既目的地就去搭喇! 我成日都去搭賭場免費專車, 就算唔賭都無問題的. 酒店專車可能要你出示住戶證明, 上車時最好問清楚. 澳門碼頭及金沙賭場均有免費車前往威尼斯人.

這位網友你好

我本身也有遇過這問題

急需用錢 找銀行真的太慢了

我知道 中壢仁寶當舖 有在幫人代辦二胎

估價速度快 放款速度快 息低保密

你可以去詢問看看

我之前有在那裡借過 服務態度好 辦事效率好

真的是短期週轉的好幫手

放心啦!仁寶當舖是政府立案合法當舖

網路上的風評也非常好

在 中壢YKK對面 03-4520077