買鏡頭打雀

你要搞清楚係想打雀定打蝶先.千萬唔好話又要打雀又要打蝶,鏡頭取向頗唔同,兩樣都得既就通常兩樣都做得唔好.55-250 is zoom到200mm會模糊好大可能係你超越咗佢既最近對焦距離. 55-250 is既最近對焦距離係1.1米(由被攝物到感光完件).你發覺唔夠大想再近啲影係唔得的.會對唔到焦.想測試最近可以影到幾大你可以用手動對焦將對焦環扭去最近對焦距離.慢慢行近被攝物,觀景窗見到清就已經係最大.只要唔好近過呢個距離,又操作正確的話就可以影得清.55-250 is既實際焦距就係55-250mm,貨真價實,冇呃你的.要影蝶影得夠大需要微距鏡頭.預算小的話可以考慮Tamron 90mm f2.8. macro.只需二千幾蚊.不過焦距短要走到幾埋下先影得夠大.預算多啲可以考慮Sigma 150mm f2.8 macro.要四千幾蚊,焦距長可以唔駛走咁近.或甚至Sigma 180mm f3.5 macro.約HK$ 6250.以上鏡頭都冇防手震.要有的話暫時只有Canon 100mm f2.8L IS,但要成HK$ 6700左右,而且焦距都係短.又或者可以等Sigma 就出既150mm f2.8 macro OS.定價未知.影雀就要長焦距比較好.預算足可以考慮Canon 100-400mm f4-5.6L IS USM,約HK$12,000. 預算小可以考慮Sigma 150-500mm f5-6.3 OS,約HK$7000. 當然仲有啲定焦大炮,加咗增距鏡都仲有不錯畫質.但價錢就會貴好多.有啲人會鐘意用長焦鏡頭加延伸管等影蝶.由於可以在比較遠距離影,可以冇咁易嚇走蝴蝶.都好多人咁用的,但一來成像冇微距鏡咁好,二來會有55-250既同樣問題,就係唔可以影得太大.想影特寫只可以靠事後裁相.解像度及細緻度當然差很多,只適合在Face book或者寫blog等用途.