想去CLUBBING 都要21歲以上??

你好! 首先,香港法定年齡係18歲,而大部份娛樂場所18歲已可進場!我未聽過21歲先ok喎! 晤…最多都係聽過,有啲係可以入場,但未夠21歲就唔可於場內買或飲用含酒精飲品而已,入場年齡一般都係18歲!會否你誤會左或聽錯? 試想想,法例18歲都已可購買到香煙,所以21歲先准買酒這情況真係好少有 <我的經驗> 雖近兩年少蒲了,但都曾瘋癲過,不過少落disco,多數都去bar或上樓私竇! 但據我所知,disco都一樣,大多18歲已可進場!唔明點解你會被拒! 至於有些所謂member only的私竇,就基本上幾多歲都入唔到啦!除非入會!我唔知你係咪去錯左呢一種,然後佢地又用21歲嚟做藉口拒絕你入場 我要強調,我唔敢100%肯定香港所有類型的娛樂場所法定進場年齡都係18歲,但一般多數18歲都已ok!之不過亦唔排除有些個別場所會私底下將條年齡線 set得更高,就如有些餐廳會有dress code,短褲拖鞋唔准入場一樣! Anyways,或者落酒吧囉,因為酒吧唔會要求你出示身分證方可入場!有時,朋友都會帶同他們的女友出席聚會,當中有啲未夠18,但亦可入場!而當我地呢啲所謂28都嚟緊的成年人order酒精飲品後,waiter亦唔會企定定監督住那些女生有冇份飲!所以,若你真的夠18歲就更加冇問題! 不過,都要慎選地點,別揀太雜!若正正常常同三五知己睇下波,飲下酒,基本上一定冇問題! 若再健康啲,可選擇唱k,有酒飲,有足球睇,有歌唱,又有野食,雖則同你要求的clubbing有所出入,晤…我都係順便提供埋你知而已! 其實,睇完你問題,我頭頂有好多問號,諗極唔明你究竟去左邊,竟會拒絕你入場? anyways,希望上述幫到你啦,若再有問題想補充,可隨時電郵我 [email protected] Winnie