被判感化叫有案底嗎？

1. 判感化係刑罰嘅一種. 你因藏毒而判感化, 即係己被法庭定罪及處罰, 所以你己經係有案底. 2. 做保險經紀最重誠信. 如果係盜竊 / 訛騙, 就一定唔得. 藏毒不涉誠信. 照我所知, 有 “小量藏毒” 案底, 仍可申請保險牌, 不過要在申請中披露, 再由委員會考慮 (我有朋友試過得咗). 3. 根據 cap. 297 <罪犯自新條例>第4(1)(e)(vi) 條, <罪犯自新條例>不適用於任何保險代理人 (及任何需要註冊嘅行業, 例如社工、律師等等)的委任、 登記及取消登記有關的程序. 所以你在申請保險牌時要披露你有案底. 但當你申請到保險牌後向保險公司求識, 你根據<罪犯自新條例>可以合法咁向保險公司話你無案底. 政府工中紀律部隊、金管局及司法機構一定唔得. 其他部門有得考慮.

2010-12-03 08:43:32 補充：
照我經驗, 好多人將 "守行為" 同 "感化" 混為一談. 守行為通常無案底嘅. 而感化通常就有案底. 要100%知道自己有無案底, 請參考小弟前時答案:
http://hk.knowledge.yahoo.com/question/question?qid=7009082102344