我成日夢到d舊式廉租屋, 好似牛頭角下村果d
不過特別係小弟係九十後黎, 完全係冇住過呢d地方!
但係個環境好真實! 係一條向下既斜路, 左邊有幾幢樓
落左個斜坡樓梯, 有個好空曠既地方, 唔算爛地但係石屎地一幅咩都冇
出d就係幾幢樓, 座數唔同, 大致上係咁
我唉住欄河, 係斜坡上面望住對面樓既大約七至八樓 (d公屋大約十五六層)
最後我落左斜坡條樓梯, 入左一棟樓, 一路上樓梯…上到差唔多七至八層…
見到有條天橋通去另一座, 中間有好大既lift口
我要搵一樣野, 但係我完全冇概念, 可能係一樣野, 可能係一個人
我帶左部數碼相機, 但係條街都係d十四座, 白牌車, 舊式既車
我係咁行行行係咁影影影, 我有好強烈既意識搵一d野, 但係唔知搵咩, 好虛無!
總之就係有d object要搵啦!
仲有就係我突然間知道左架數碼相機唔應該存在係果種年代!!
於是我用盡果張memory card係咁影影影, 愈黎愈慌張, 好怕搵唔到果個所謂object!
同埋數碼相機唔係果個年代, 我盡力保留相片(係相機再copy file)
但係呢個時間…突然間入左多啦a夢果d時光機咁樣…
去番2010年…d相唔見晒! oh no! 然後醒左…
第二次都係差唔多, 不過係果幢入左去既棟樓既另一面, 係有條六條來回線既公路係側邊
d公路上既車都仲係舊車…舊式白牌車, 舊式既熱狗巴士, 等等…
果幢樓原來叫二十座(20), 大大個字寫係側邊入口…
我去左條樓梯…一路上一路上
條樓梯愈來愈窄, 最後只得一個半身位
上到七樓竟然冇得上斷左, 係頂樓! 明明係十幾層咖?!
我見到好黑好暗, 得一盞燈係一度門外照住, 周圍wall都上左綠色油
我推門入左去, 惟一一度門, 前多兩步係消防喉, 即係盡頭, 門對面冇第二度門
係一個老人家同埋個兩三歲細路既家庭, 好貧窮
蘋果綠色既wall, 鐵罐鐵凳, 火水爐, 轆架床, 膽機電視…感覺好八十年代既陳設!
突然間好似冇左搵緊一d野既感覺, 然後用相機影影影!!!
最後又返番黎2010年…
d相又係唔見晒! memory card冇file show出黎 (資料夾沒有檔案)…
盡量解一解, 真係好騎呢, 仲幾真實, 好似inception咁! 有晒架構…細節都足
先多謝有心人解答…
更新1:
小弟係應屆高考生…唔知有冇關係…其實我應該用d時間溫多d書…- -