什麼電郵能每次發附件 1GB ？

可以用sina.
sina 好多公司都用. 因為可以發出很大容量的附件.

你要明白點解大部份email都唔畀，你就唔會再強求：
（1）電郵因為可能要經好多部機先到達終點，而有O的仍然用7bit，所以確保傳送正確都用MIME等編碼，EFFIFICIENCY好低，附件都會大左25%，即係話你SEND 1GB，其實要傳的檔案變左 1.25GB
（2）好多電郵收件人的信箱根本冇咁大。會彈。一彈就死火，因為會整個彈翻去你個電郵，我相信你個電郵都冇1GB空間。所以一彈就大家都死火。所以大部份單一電郵設限約幾十MB，彈都冇咁傷。
其實唔一定要單一方法，可以試下：
解決（1）用OUTLOOK等有功能可以將附件分拆，如幾百MB就分一個，變成 1／32，2／32。。。咁送出，但收件人如果唔係用相同的程式，佢冇乜方法合翻埋，而且要收齊曬先可以合併，到時個OUTLOOK可能會慢到亞媽都唔認得，或者甚至瓜柴。成功機會甚微。
解決（2）先用 WINRAR，WINZIP等將你要傳的東西壓縮及分卷，即係幾百MB分開SAVE，WINRAR的做法係 abc.rar, abc.r01, abc.r02 咁上下，收件人收好曬就自行用 WINRAR合併。會成功，但係幾麻煩，分得細成功機會大，不過又麻煩多O的。
解決（3）利用網上免費服務，如 SENDSPACE。COM，你可以輕易把檔案傳上，下載 LINK 會經 EMAIL 傳畀收件人，但仍限於檔案為 300MB，所以仍要用WINRAR幫手。分成三、四個檔案，成功機會大
解決（4）用點對點傳，即係大家上MSN，直接送到收件人電腦。要確保可以續傳，不然要一次過都幾耐，一斷線又要由零開始就唔得。
解決（5）架設 FTP，唔講詳情喇，你有興趣先問。自己睇下 FILEZILLA。
後記。其實大部份網上分享資源都係用（2）的方法，即係RAR分折成細FILE，放上網畀人下載。