朋友, 男朋友, 唔識平衡時間

你d朋友知唔知道你是同男朋友一起的呢? 如果佢地都知道你出入唔方便,都知道你唔想男朋友一個人悶,咁我就覺得你無問題,而係你d朋友有問題,點解出去食飯同佢地玩一定要玩通宵呢? 就萛你男友唔陪你一齊玩,點解唔叫佢來接你走呢?

不過,如果人地次次約你都話唔得,又講唔出幾時先得,要等你時間方便先約人,咁又好難怪你d朋友咯,人地當然唔高興啦,都費事再約你啦!

其實你可以將你的情況同朋友講清楚,什麼時間可以出來,什麼時間一定要走,如果佢地真係好朋友,就唔應該怪你呀!
你約朋友去玩的時候,亦可以同男朋友講清楚係同一班好朋友食飯,叫佢幾多點來接你,咁就唔使一定玩通宵,又唔使男朋友一個人在家等你啦!

如果你唔講清楚,時時同朋友出去玩男友會唔開心,時時都失約又朋友唔高興啦!

玩得夜, 咪自已搭的士返屋企囉... 唔使吓吓要佢接送啫...

月友搵得你一兩次都推, 唔理你用咩借口或原因, 久而久之就唔搵你架啦!!

而且你都儘量咪話男友唔得閒先約人囉, 仲要咪short notice喎... 唔係既話, 擺明係攝時間啦!!!

男女朋友, 或者兩夫妻, 都要有自己私人空間, 各有各既朋友, 唔一定要將啲朋友撈埋嚟玩, 可以就緊係最好啦, 夾唔圭都唔使勉強

朋友唔搵你咪你去搵吓朋友囉, 唔一定要出街食飯, 或者等閒空吓電話, FB, MSN 或 SMS 問候吓都可以啫!!

另外係, 你啲朋友自己無男朋友咩??? 其實有時因為約朋友, 男朋友都可以放埋一邊先啫!! 都住埋啦!! 仲見唔夠咩??

其實你同男朋友住已經叫做日對夜對啦，偶爾你約朋友出街玩就放心玩，唔駛成日顧住男朋友，每次出去打個電話報平安就得啦，你明知會玩得好夜個d，咁你自己早走咪唔駛男友出來接你囉。兩個人有時比d空間大家各自做自己喜歡的事吧，你男友咁大個人你駛乜驚佢悶，你地未拍拖之前佢都係咁過日子啦。你成日推朋友人地久而久之都費事搵你，為免比人覺得你重色輕友，得閒都要約朋友去街架。