想投訴對面屋抽氣扇問題

我而家住緊果處係獨立單位, 但對面屋就一個單位分間左3間套房,
而佢嘅大門(之後再有3間房門)同我屋企大門係對正的.

我只係想講話佢其中一間套房個抽氣扇係抽出去大門口的,
即係佢開大開細或煮野食嘅所有味道都會經抽氣扇抽出大門走氣,
而我大門因為對正嘅關係, 大部份氣味我屋企都會接收晒.

其實我已經響大門d 「喇」位都已經痴左d海綿,
所以佢某d小味道都可以頂得住,
但係慘在果間套房嘅人好中意煮d好濃味嘅野食,
如果佢間唔時十幾日煮一次我都覺得算,
但係sorry佢幾日就煮一次, 而我o岩o岩連續3日就已經食晒佢d味道,
攪到3日都鼻敏感發作.

其實請問我可唔可以就呢野樣去投訴呢？
但可以的話係去管理處投訴嗎？ 若果個業主係都唔理的話請問仲有咩渠道可以投訴？
因為就算要搬都仲有成大半年先搬得,
再係咁落去睇醫生都蝕晒d錢...

煩請大家賜教！ thx a lot!!