我如何可以查到自己有冇案底

1. 基本上判感化已經係由法庭判有罪, 並以感化作為懲罰. 所以你好大可能有案底 (有時少年法庭法官會下令不留案底, 所以我話 "好大可能". ).
2. 要查有無犯罪紀錄, 你可根據<個人資料(私隱)條例>第18(1)(a)及(b)條向警方要求查閱警方手上有關你犯罪紀錄嘅個人資料. 你必須親身前往位於香港灣仔軍器廠街 1 號警察總部警政大樓 14 樓嘅 "刑事定罪紀錄資料辦事處" 填寫及遞交一份 "查閱刑事定罪紀錄資料要求表格", 同埋俾 $50 費用. 如果你無刑事定罪紀錄, 咁職員只會口頭話你知你無刑事紀錄. 如果你有刑事紀錄, 咁職員會發一份該刑事紀錄嘅副本俾你.
3. 罪犯自新條例只適合初犯者, 如果你真係有3次案底, 你唔可以引用罪犯自新條例.
4. 如果僱主無問你有無案底而你唔主動申報, 就無犯法. 但如果佢問你有無案底而你話無, 或者填求職表時寫無案底, 就係訛騙 / 行使假文件, 係犯法.

请问要在哪个网站才可以查看朋友有没有案底？我是在马来西亚新山