我好驚我做嘅野犯左呢條法例,所以搞到自己成日做野都驚驚青青咁,即使係好簡單嘅事。我好驚整污糟人地d野,因為怕會惹蟲咬爛人地d野!搞到我成日係度洗手,洗野,因為驚自己d野污糟擔到人地d野又會整污糟/破壞人地d野!
件衫同自己對手一俾d食物整污糟左少少,我就要去洗!因為我驚污糟/破壞人地d野!連食完粒糖都要去用梘洗手。 仲有,我成日係厠所度整到自己身上d衫褲掂到d牆,我就諗好可能會掂到d梘。梘係有鹼性,可能會整爛人地d野。我驚自己d有梘嘅衫褲之後去掂人地d野會破壞人地d野,所以我就會去洗,即使只係好少好少量。 我而家成日都係咁,真係浪費左好多好多時間,搞到我冇咩有意義嘅野做到,又搞到好夜訓,讀書又唔夠時間!仲有,仲搞到屋企人又以為我有潔癖,又以為我精神有問題!!!搞到佢地又嬲又擔心!我身心真係受左好嚴重嘅影響!我覺得而家生活好痛苦,好唔順利呀!請救救我!
雖然果d只係雞毛蒜皮嘅事,但係我真係好驚犯左呢條法例!其實我有冇必要咁做呢?
更新1:
我冇想去以身試法呀!就係唔想做任何違反法例嘅野(即使係好小嘅事),我先抩到咁,成日咁緊張咋!
