2人相處煩惱......請大家幫幫忙分析!!THX~

有一樣野要講明先，作為一個男人，特別係80後，係香港工作壓力比起80前同90後0既大好多架。原因係80前出世0既朋友出黎返工0既果段時期大多數都仲係好易搵工，競爭無咁大0既時期，所以就做做下，好易就升左職或學到野做埋老細啦，簡單d黎講即係機會好啦。而90後0既朋友，雖然佢地出黎返工0既機會無以前咁好，但勝在教育制度改左好多，同埋d奶粉都好左好多，攪到依架d細路細細過已經好精，比起80後0既好好多。妳明白左呢樣野先。

跟住，妳話佢忽略左妳，我認為妳講得唔0岩，因為佢每日都有電話比妳，雖然只係午飯 放工 晚飯後 訓教前，但係呢d亦正係妳應該更加珍惜0既地方，知唔知有幾多男仔會疲勞到唔打電話比對方呢?答案係好多。仲有，拍左4個月，仲係熱戀期，依架見咁多，再過多1..3..5年就會好悶架啦，甚王乎妳做妳野我做我野，大家唔理大家，有d甚至乎因經常見面經常傾計攪到因了解而分開添。所以少見都係一件好事，可以保持新鮮感，無咁快變到好似老夫老妻咁0既感覺，妳唔使因為少見面而唔開心。而且，正正因為少見面，所以當見到0既時候，會特別珍惜果段時間，而且果日會特別開心。
妳鐘意對方講d甜蜜0既說話比妳聽，但係只係初頭咋，當日日講日日講0既時候，再過耐d日子，妳聽落去就會無左果種感覺架啦，因為已經聽慣左或厭左而無感覺。(我唔敢話全人類都係咁，但我肯定大部份人都係咁。)

其實妳地相處無乜大問題，但係有問題d果位係妳多d，因為妳性格係極無安全感而且對自己無信心，所以產生左呢一種恐懼，妳嘗試克服下啦，信任妳所重視0既人，千祈唔好係對方努力..辛苦工作0既時候，再對對方施加一d無謂0既無形壓力。
對方努力緊0既時候，妳都要努力做好自己，佢努力返工，妳要努力讀書，只要避免到不必要0既爭執，相信都無乜大問題0既。
加油做好自己啦。我又訓先...zzz

問題係你同佢處於唔同階段,所以思想同感受都有所出入。你未真正完全出黎做野所以你就算明明知道佢有幾累你都體諒唔到佢因為你未曾感受到佢身心有幾疲累。唔好淨係唸自己,嘗試下係佢角度唸唸,其實佢累到想訓與唔訓之間都同你傾電話就知你係佢心目中既重要。

真心的交流就是講出真心，不是為了填充一種無形的模式，如果係累的便坦白跟對方講，如果唔係「需要」便不一定要一日四次通話，不要被次數或內容的量來支持大家的感覺，反而真正講出感覺作為對話的開始，以祝福結束，不要每每都像任務那樣「為了．．．」才做。

「我今日好多嘢做...不過都好掛住你...感到你的支持我便努力好多了...今日見到有樣嘢好得意...不過而家好累了...你都要注意...希望今晚你我都瞓得好啦！」

你的不成熟性格點改? 你就係呢種時刻需要人tum o既人.o甘或者你係搵錯對象. 你可以搵d 有錢唔使做o個d,咪有心機,精神去晚晚 tum 你.

唔係感情淡左係stable 左. 如果呢刻你認為佢唔夠投入,你應去搵個第個. 接受唔到就無謂接受.

但你應該問自己究竟想佢點(實際o的)你先唔會o甘樣.

佢累到訓著都儘量同你講電話, 仲想點
平時你得閒SEND Dsms比佢吧
就算佢唔得閒回都會睇到知道的

傾計既, 一星期出黎見果次就可以儲埋滔滔不絕咁講啦

乖吧, 你有時間多覺得空虛就搵多D野做填塞自己