1月去北海道..應該帶d咩著d咩..??(跟團)

室內26度與室外0 度以下, 溫度相差太大，入到室內一定熱，有定心理準備，一定即除外套，冷衫(最好穿有拉鍊)，抓毛衫(最好穿有拉鍊)。你也不留在室內太久（多是用膳）見到雪一定走出外，食完一定逛街shopping^^

牛仔褲,運動褲不足夠保暖. 雪褲內穿運動褲, 才可保暖, 到室內可除左雪褲, 我去多次大部分Ｄ團友穿雪褸，羽絨。　一去到大家已穿，不用去雪場已好凍。　早晚都好凍。有Ｄ拎不夠衫便病。我覺得買衫好過買藥（睇醫生）。

我怕冷,我在COLUMBIA 買纖維恒温內衣, 要注意洗衣時不可用清潔劑,用暖水便可以.

纖維恒温內衣+ T-shirt +冷衫（穿拉鍊款）／抓毛衫（穿拉鍊款）因拉鍊外套易除,+羽絨+ 薄冷帽+雪褲. (我)

在10度的香港只穿長袖TEE + 長褲, 唔太怕冷的人可穿纖維恒温內衣+ T-shirt +羽絨+ 薄冷帽.+雪褲 (我的朋友)

在10度的香港只穿短TEE + 短褲, 極不怕冷的人可穿厚TEE+羽絨+雪褲 (我姐姐)

雪褲/雪褸洗衣時不可用清潔劑(洗衣粉果D 一律不可用),用暖水便可以, 不可浸洗

基本上腳暖全身已暖. 戴帽, 因頭散熱是好快. 要保暖免頭痛室外要戴帽
初到北海道最好戴口罩免冷親氣管.

日本人好怕凍, 勁暖氣, 特別酒店, 一定要拎套夏天衫, 否則熱傻.

我在網上買雪帽，雪褲／雪褸看清楚Ｄ賣家評分，有Ｄ賣抓毛褲／綿褲欺騙人。有雪地相仲好。

花Ｘ街／出口店都有滑雪用品，但真假一起賣，小心Ｄ，你去多Ｄ Columbxx, North faxxx, Aiglxxx, Lafumxxx and Pro-camxxx　看看及摸摸Ｄ料，再上網ＯＲ到出口店買。大公司任你問及試。

2010-11-26 17:10:47 補充：
http://weather.yahoo.co.jp/weather/
12月至3月都好極凍

下面係日本氣象局北海道 11月到1月嘅平均天氣： 氣溫係在 30°C左右 （你唔使識日文都睇到）
http://www.jma.go.jp/jp/longfcst/101_10.html

首先睇你係唔係怕凍嘅人， 如果你平時唔係特別怕冷， 你嘅衣物係：
1. 內衣， 較厚長袖運動 T 恤， 羽絨外套， 牛仔褲 , 因為室內同車上都會有暖氣，而戶外雖然凍， 但係你成日行來行去， 所以你會覺得熱。 如果你平時較怕凍，可以着件羊毛內衣。
2. 北方 嘅凍唔係最可怕，最可怕係風 ， 啲風吹過來， 凍多幾度， 同時吹到你頭痛，面痛， 鼻痛，耳仔痛， 所以你要帶 包住頭同耳仔嘅帽（唔使要有毛嘅） ， 如果你件羽絨有帽就最好 ，頸巾， 口罩 （用來保護你個口同鼻）手套， 較厚嘅襪 （唔使一定羊毛襪）。不過唔係日日有大風嘅。同太陽眼鏡 （以防雪地的雪在陽光下刺眼）
3. 唔使特別着雪地嘅鞋， 着鞋底有較深紋嘅波鞋就得 ， 因為在雪地行走 並不可怕， 最可怕嘅係雪下面或路上嘅冰 ， 而且旅遊地區， 政府都會把路上的雪及時鏟乾淨。 但有時路旁會有又平， 又滑， 又透明嘅冰 ， 你踏上去就會滑到，所以你只要着比較能防滑嘅波鞋就得。
4. 護膚品 （成身都要搽）， 因為北方天氣又冷， 又乾， 室內同車上的暖氣抽嗮你啲水份。
下面係日本氣象局週間天氣預報， 你可以在出發前一星期睇下你去嘅地方嘅天氣，拉到下面一頁， 最上幾行就係北海道地方。

http://www.jma.go.jp/jp/week/