我黎會去日本以下幾個地方,但唔知有咩名勝名物要注意,..

你好，
由於唔知道你會去幾多日，同埋你淨係list一個大地方名，所以我都只能list d普通既觀光點比你。
如果你希望作詳細d既資料可以send E-mail去[email protected]問我會比較好。

首先，倉敷，其實分左幾個區喇已經，如果淨去市內，其實只可以響舊商店街行下，對歷史或建築有興趣既其實先會去倉敷，因為除此之外，其實冇咩值得去睇。不過，值得一提的一點係，如果你有得金田一果本偵探小說，而又好鐘意既話，其實金田一耕助就係響倉敷出世，所以都有冒名拜訪當地既價值。當然，對以上所有野無興趣就唔建議你去喇!~

至於尾道，其實都冇咩特別，都係鐘意歷史先會去。不過同倉敷一樣，尾道都可以見到瀬戸内海，可以沿住海道踩單車，係個唔錯既選擇!

新山口，其實只係一個站，最多人會做既就係坐SL蒸氣火車，如果想體驗下日本舊式火車，係一個唔錯既選擇，但通常呢d火車都要book位，因為響日本，SL火車相當受歡迎，好易無位嫁!

廣島，一提起就要去原爆紀念館，個人認為幾值得去~

呉港其實只係港口，所以無咩特別，想了解歷史就可以去附近既博物館，除此以外，不值得去。

金澤，好多人都介紹個美術館，但其實最值得睇都係兼六園，雖然都好多人講，但真係非常值得去，特別係夏天，會非常靚!當然冬天亦有一番風味!而且可以沿住舊街咁行。

其實出雲幾值得去(本人一直好想去，但未搵到機會)，歷史文化古跡好多，如果唔去參拜或對歷史無興趣，其實賞楓都係唔錯既選擇，不過楓期過左...但宍道湖非常靚!值得一去。

其實你所列既地方都係以歷史為主，而我又唔知你既興趣，所以比較難選擇地點比你。

正正正^_____&...你已分亨左我唔知嘅野喇!!!!好有用呀