半專業數碼相機,入門級數碼單鏡反光機,半專業數碼單鏡反光相機

半專業數碼相機,入門級數碼單鏡反光機,半專業數碼單鏡反光相機
三樣野都係好唔同既野黎,如果新手,建議選擇頭兩種,
第三種一般會係玩完入門機先會升級上去,甚至有錢d由入門升上高階機~

半專業dc可以話係功能較全面、強勁、用料較優質既傻瓜機,
除左傻瓜機有既自動模式、各類場景模式外,仲有四個專業模式:
P Mode 程式模式 - 接近自動Auto模式,光圈及快門自動,可調較ISO及EV
A Mode 光圈先決模式 - 可以手動調較光圈大小
S Mode 快門先決模式 - 可以手動調較快門
M Mode 手動曝光模式 - 可以話係全手動模式,手動調較光圈、快門及ISO
以上模式都屬於半專業級先有既模式,但係都要用家識用先得,
否則就有等於無,比你部機有都無用,根本用唔上~
有左以上模式,係暗環境就唔洗好似傻瓜機咁用全自動模式,
一暗就推高ISO,影響畫質,自動開閃光燈拍攝,
令你係一D地方唔比開閃光燈拍攝時影唔到相~

單反主要同半專業唔同既係佢有反光板、可更換鏡頭、有光學觀景器,
而且絕大部分既DC都無可能追得上單反質素,只有少數係例外~

入門級單反同中階單反既分界線好明顯,就以以下黎區別:
1) 機身物料及重量
2) 記憶卡類型
3) 機頂MON
4) 操作簡易程度
5) 功能全面性
6) 焦距變換比率

入門級一般都只會用塑膠物料作機身,通常都好少有防塵防水滴既效能,
機身因為膠物料而變得輕身,適應力較高,因為由DC轉單反,重量上提升幾倍!!
記憶卡一般只會使用SD卡類別,但儲存速度同容量可能都唔夠強,
而機頂只有轉盤而無頂MON,操作上可能都依靠係機內選單,
而部分中階至高階功能,入門級機身都未必會有,相反可能提供「教學模式」,
焦距變換率較常見,入門級因為感光元件既尺吋,所以要將鏡頭焦距倍大 1.5-1.6,
高階級別既單反常見只會有1-1.3左右既倍率~

中階單反絕大部分都用上鎂合金等金屬作機身結構,令機身較耐用、堅固,
甚至擁有防塵防水滴效能,機身重量亦會較入門級重多幾百克,
手感上有好大差別!!
記憶卡由中階至高階都只會使用CF卡,儲存速度及容量都會較高較強,
亦有機頂MON,用作調較光圈、快門、ISO、拍攝模式(單張/連拍)等資料,
機身甚至有功能可以校正不同鏡頭,令機身用上該鏡頭唔會「走焦」
操作上通常依靠較多機身附有既按鈕去操作,而唔靠機內界面~

半專業DC優點機身輕而有專業感,畫質較傻瓜機高一級,
方便帶出街,Snapshot,但不能更換鏡頭去提升畫質~
入門級單反優點係機身較中階機輕,既專業又易帶出街,
可用鏡頭較多選擇,但高ISO雜訊控制可能無咁強大~
中階單反手感會較好,畫質、高ISO雜訊控制都係好強,
功能強大,較耐用,但可能令人覺得唔上唔落,不如上高階,咁就睇個人有幾多預算.

一句講晒分別在於價錢!!!!!!!!!!!!!!!!!!!! 平 / 中 / 貴

2010-11-20 18:56:22 補充：
要邊部較好??? 看看budget啦