人民幣升值既影響

見到樓上東涌達人的回答，我真係覺得超級好笑。

無錯，佢答既答案，係一般經濟教科書科既經濟理論，貨幣升，對出口有影響，貨幣跌對出口有正面影響。

但有樣野就係極大錯誤，就係呢個係人民幣，唔係其他貨幣。中國是世界工廠，全球9成物品都是中國製造，人民幣升值，根據教科書定義係影響中國出口工業，但要知道中國是必需品出口大國，人民幣升值反而會增加出口。因為各國都預期人民幣再升，好自然會多入貨，一旦人民幣升值，本來入多左貨，都對本身冇影響。

君不見人民幣每次升值，中美貿易都有變化嗎？就是美國對中國貿易赤字係增加，呢樣就係人民幣升值的現況。

人民幣升值，根據教科書理論是入口貨多左，但要明白，中國入口貨品的來源地，一般都是歐美，歐美這樣物品都很貴，即是一對鞋，同國產貨相比都差一倍價錢，入口多左又如何？冇人買又係滯銷！真係閻羅王嫁女啦！

不過，中國需要入口的是外國糧食，例如美國玉米等，人民幣升值，好自然會入多d。但是全球資金太多，入左內地，銀行利益低，唔夠炒作賺咁多，以人性來說，入口呢d野，d人又會去炒，所以入口多左，同樣冇用，都係有極高的通貨膨脹

內地有外匯管制，加上中央不斷限制外地人買樓，及房屋數目，人民幣升值又點會令內房越來越升值？你知唔知內地有幾多套房係空置左架？係6500萬套！d人用黎炒，唔係用黎住，人民幣升唔升值都係會升，因為錢太多！放銀行息口細，根本唔夠炒野咁大利潤！

美國國債仲離譜，東涌達人你究竟知唔知內地國情架？你根本就唔清楚內地買美國國債的情況就味鬼亂講野！中國買美債，唔係用中國人的錢買，都唔係用人民幣換美元去買，,而係用外匯儲備去買，所以點解外匯儲備有65%係以美國債券持就係咁解！唔知味亂講！

人民幣升值，兌美元即係跌左啦，咁樣美國息口就低，美國國債價格就升，就係咁簡單！

仲有，東涌達人究竟知唔知QE2既用途架？QE2唔係直接放水比市場，而係全部分八個月黎買美國國債，一D都流唔到入市場，私人市場根本冇可能得到QE2一分一毫！又點會QE2令到熱錢流出？最多味就係班炒家利用手上資金四圍投機炒賣！QE2只係藉口

仲有，你究竟有冇新聞架？G20有19個國家齊齊一致發炮抨擊QE2，即係19比1，你話我知G20中點樣分成兩派？

唔該你返去讀下新聞，讀下歷史，你D答案真係好笑大個口！

根本就唔係人民幣升唔升值，而係美國政府向各國「打白條」！以前中國政府向農民收購粮食寫條子，不過好少兌現，稱為「打白條」！美國政府狂印鈔票去換你嘅物資，到你用佢俾你嘅鈔票去換同樣物資就少咗一大截，咁同搶有幾大分別？你可以放心，美國佬會繼續向你「打白條」！所以唔使擔心美國大定單，因為佢地仲有一招叫做「撒賴」！話你產品「傾銷」又收懲罰性關稅，又可以屈你一筆！祇會小定單受影響，因為要拖垮中國經濟首要製造失業，目前未到咁嘅地步！
QE2祇係美國測試盟友忠誠，而G20本身祇不過係國家之間角力，唔會有實際結果！
純屬個人意見！

人民幣升值後：

1)對中國出口,會減少，因為出口貨價貴左。


2)對中國入口,會增加，因為入口貨價平左。


3)對內房地產, 會吸引更多資金炒國內房地產，因為以人民幣計價的房地價越來越升值。


4)美國國債有咩影響？
中國可以用更平宜的代價，購入美國國債，如果中國想買的話。即係多左美債的需求。

2)QE2同G20峰會點影響同有咩CONNECT?
由於QE2 引發大量熱流入 G20 中的亞洲國家，造成他們的通脹壓力，和資產泡沫，於是G20中，分成兩派，支持美國QE2的國家，和反對的國家，以中、印、德為首。於是 會議只有爭論， 一事無成。