中意的人講未準備好...點做好?

我3個月前識左個同級的男仔,,之前同佢表左白,,今日佢sd左依段野比我:

XX，其實我都識左你3個月啦可？係依3個月黎，每日同你腥sms，得閒傾下msn，一直都過得冇乜野。直到你三個星期前，你同我講話你鐘意左我。係個刻，我仲傻下傻下以為你講笑，點知原來你真係甘認真。其實，我識左你3個月，我對你唧野好多都唔了解甚至唔知，我都唔知點解會有個傻人鐘意左我。我，係對感情好認真好重視唧人，唔會亂甘同人搞關係，亦都會將我唧關係分得好清楚。我好清楚甘分開我唧同學、我唧朋友、我唧兄弟，同埋我鐘意唧人。每個層面我都有唔同唧開懷，我都會以唔同唧方式同佢地做人。而好多事，我都會以我唧感情行先，無論做事定係關係。依3個星期，我係到諗，點解會有個傻女鐘意我？我做左d乜令到一個傻女鐘意我？我又有乜比依個傻女鐘意？我真係唔知。我又係到諗，我係依刻可以做乜？有人同我講，試下先囉，可能試試下你會鐘意佢呢。點解仲要沉醉係以前呢？又有人同我講，你真係ready啦咩？你真係準備好啦咩？其實，我可能真係未準備好。我未準備好開始新一段感情，我可能未放低，又可能因為仲有結未解，我唔知…究竟係咩原因我仲活係依個痛苦之中，我自已都唔清楚。我亦驚…我驚…我驚好多野。我更加驚比左希望你，我做唔到…因為我明白「希望逾大，失望逾大」依個道理，係依兩年我深深體會到，明白到…做到固然是好，做唔到比到人唧失望係何其大。我驚，我會做到依d人。或者我都要講聲對唔住，係依段時間每日都冇答你d乜野，暗地裡都比左希望你…但到依刻，我依然唔知我應該點。我驚同你一齊左，口裡是你，心裡卻不知是誰。你問我，我宜家有冇鐘意唧人？我都唔知…或者真係心結，又或者，我真的未準備好吧。其實我都唔知應該要講乜，或者我宜家只可以同你講一聲，對唔住。

咁其實係咪完全冇希望??我應該等落去定點??