✔ 最佳答案
贊育醫院地址: 香港西營盤醫院道30號
如果由最近港鐵站上環站行去最少都要20分鐘。建議你搭東涌線到香港站加一程巴士,路程如下:
由東涌站至香港站, 車費成人八達通$18.4, 車程約30分鐘。
到香港站落車後用 A1 出口到地面, 行去對面馬路交易廣場巴士總站搭城巴 7 號(車費成人$5.3) ,城巴M47 號(車費成人$5.1)或新巴91號(車費成人$5.8), 新巴4X號(車費成人$5.3)。
落車地點: 皇后大道西262- 268號正街巴士站
落後向車尾方向直行到第一個街口(即實惠)先過馬路後轉右上斜路, 上到另一條行車街口轉左再上斜就會先到菲臘牙科醫院跟住就係贊育醫院。車程約10分鐘, 步行約4-5分鐘。
如果去長沙灣轉車都可以, 車程會長D。.
第一程搭港鐵由東涌站到荔枝角站或長沙灣站車費成人八達通$11.6, 車程約25-30分鐘。
荔枝角站落車用B1或B2出口到得, 到地面後向出口後面行就可以, 巴士站就喺兩個出口之間位置
長沙灣站落車用C2出口, 到地面直行就會見巴士站。
第一程搭城巴E21或E21A都可以車費成人八達通$14.0車程約45分鐘。
去到長沙灣道828號萬利中心外(又即係荔枝角鐵路站巴士站)落車, 跟住於同一巴士站轉車。
第二程搭九巴/新巴905 荔枝角– 灣仔碼頭 車費成人$9.8 , 車程約45分鐘。 上車地點: 1)長沙灣道828號萬利中心外(又即係荔枝角鐵路站巴士站), 2)長沙灣道元洲邨元盛樓外(又即係長沙灣鐵路站巴士站), 落車地點: 德輔道西139號東邊街巴士站(即過咗西隧到港島後第4個站落)
落車後向車尾方向直行, 到街口(即東邊街)轉左過馬路並繼續微微斜上直行, 到下一個街口會見到間實惠, 沿實惠旁斜路行上到十字路口轉左行就先到菲臘牙科醫院跟住就係贊育醫院, 步行約5-6分鐘。