✔ 最佳答案
沒有人能保證那一份會做得較開心, 較有保障, 較有前/錢途. 所以只跟你從你提供的資料和你討論討論.你自修冇經驗都考到牌, 證明你對某行業嘅regulation 有相當認識, 唔識都好快上手, 醒目仔女一名.你之前做 Sales 月入幾萬元, 某程度上肯定咗你對客戶嘅需求有一定嘅 sense, 識睇眉頭眼額, 話頭醒尾.Soft skill 你冇問題, hard skill 你 back office 後面有人可以幫到你, 開頭你老細又會帶一帶你.咁而家就要睇邊樣好做D. 嚟緊短期樓市炒風都仲會繼續, 掃豪宅嘅人通常會易服侍過買一般住宅嘅客. 你做一單豪宅嘅收入同付出嘅時間心機比例, 好過你做幾個一般樓盤客. 而且市度好壞, 豪宅都有一班捧場客 (貧富懸殊越嚟越嚴重, 冇計), 市度好, 一般樓盤 Sales 就做死執少少, 多勞多得; 市度一差, 成班 Sales 坐喺度等你淘汰我定我淘汰你.同埋做豪宅經紀, 遇到貴人 (富豪/大老闆) 機會點都高過一般樓盤經紀, 比你攀附到權貴, 發達機會就會嚟. 做 Sales, 人脈關系最重要. 你想要邊種人脈, 服侍邊種客, 自己 workload 可以應付多少, 就係你選擇邊條路嘅關鍵
2010-11-18 09:13:09 補充：
豪宅, 大型屋苑, 都係睇番你 performance. 我都見唔少新入行嘅人市度好時都被淘汰. 個市好時, 你有 performance 的話, 你想點跳都得. 個市唔好, 就要等. 有一樣嘢你仲要考慮 -- 通常豪宅客炒大型屋苑嘅機會, 大過大型屋苑客炒豪宅.
當然, 如果你係想起步時專注喺學習個運作的話, 大型屋苑嘅機會的確比較高. 我諗你要考慮番你覺得自己需要幾多時間去了解, 你 pick-up 快唔快. 我識得幾個agent, 佢地都話, 個市好時, 做過豪宅盤, 就唔想番轉頭做大型屋苑.
