電單車強制試

首先，你是否識踩單車先，如果識就最好；不識就最好立刻在假日去大圍租部單車學一日，又平平抵，識踩單車對慢車打8字極有幫助。
兩輪之電單車，正常停下時實會跌低(祇得兩點支撐)，因為最少要有3點支撐才可直立。所以電單車要保持平衡，必須要運動，有運動就會有運動方向，當部車轉彎時就會產生離心力，以平衝跌車之方向。正因單車之動力有限(像電單車慢車時)，要產生離心力，就要轉動軑環，增加離心力，所以單車之平衡術是"跌向那邊，就轉向那邊"。而電單車快車時，動力強大，部車只要偏側向一邊，部車就自然產生離心力"因車轆側轉時之效應"，要平衡部車，只要加油就可以(你現在已掌握轉大彎之技巧，我就不便多說)。
電單車/機動車輛慢駛，並不能單以控制油門來達到，事實所有駕車者都知道，是以極力子來控制引擎之輸出力度(可令車子逐吋移動)，你必須雙手互相協調操作。至於剎車系統，我們通常是主力使用前剎車系統，而後剎車系統只用於減速，最後剎停部車必使用前剎，普遍之使用比例是前70%，後30%。事實你亦都感覺到前、後剎車之差異，我亦不用多說。
所以電單車打8字，必須利用以上3個控制系統，去控制部電單車之速度及姿勢(部車之偏側情況)，即使用左、右手及右腳分別控制極力子、油門及剎車制。而平衡，則以踩單車之方法。

2010-11-16 11:15:39 補充：
轉大彎、細彎之技巧，其實說穿了，就是速度之控制，每個彎都有最高速度限制，你們學習駕駛，亦即是學習判斷這速度，要在這速度限制內駕駛。

2010-11-16 19:41:40 補充：
"你上身太緊及腰酸骨痛"，因為你未掌握慢車技巧，經常使用前剎車，雙手經常握緊手柄。
1. 你應練習慢駛，當控制到慢車(能遂吋移動)，你就自然能打到8字(因你識踩單車)。
2. 剎車時要習慣用後brake先減速，再以前brake剎停。即先用腳，再用手。
3. 初學者之坐姿應像騎馬，用大腿夾著油缸(急停時要緊夾油缸)，雙手、雙腳是放鬆按壓著手柄及腳踏來坐。正常應只是手指會較酸痛，因個brake及極力子都幾重。

2010-11-16 19:56:06 補充：
用大腿夾著油缸(急停時要緊夾油缸)，條腰要保持輕鬆，當電單車側時，上身最好保持垂直(駕、坐跑車就要跟車一齊側)。

2010-11-17 23:18:59 補充：
你可放心，你絕對可以通過強制試，祇要你能控制到慢車。但將來考路試，還有很多技術改進。

轉自動波啦，打檔車非你杯茶。

你導師無講錯，你的確係緊張。部車並唔得人驚，當你坐在架未啟動嘅電單車上時你係無問題嘅，但架車一啟動就出現問題，呢個係你混意識驚自己控制唔到架車、做唔到要求啫。唔使驚，放鬆自己，放膽去做，唔識係應份，唔係使咩去學。

油門確係有虛位，架架車都唔同，呢方面就要你自己去感受。當你扭動個油門時只須微微畀力，唔好大力，更加唔好出死力，當你感到個油門有拉力畀翻你時，呢個位置就係正確嘅油門位置。

後掣動確係唔可以將整架車有效地掣動，佢只可以做到拖慢的效果，車速嘅控制就由油門同呢個後掣動蒞調節，所以當架車由第一次從空檔轉入一檔後，右腳便要一直要放於後掣動腳踏之上，直至你要離開架車為止 ( 起碼在考試時一定要如此 )。唔好嘗試用離合器蒞控制車速，這是一個錯誤的操作方法，考官睇到會剔你。

轉彎係由雙眼蒞做主宰。在轉彎時雙眼一定要望向轉向的的位置，切勿望向無關之處，咁就可以順利地轉向。另盡量利用身體嘅擺動蒞轉向，減小以方向舵的轉動。

強制試只係考基本控制，唔須考 8 字。強制試只須駕駛電單車由試場外進入試場正中的停車位置停車，再由試場中心的這停車位置開動車輛前行作一次左或右轉返回此停車位置。再做一次反方向駕駛及停車。跟就是隨意的左或右轉駛回原試場中心線觀察燈號作緊急停車。熄匙、落車。僅此而已。不過在這緊急停車的一轉最好選擇左轉，及要小心停車時自己重心傾倒位置，最好是偏傾向左側。

補鐘係一個好的鍛鍊方法，熟能生巧嘛。

2010-11-16 21:51:50 補充：
錯誤更正：

呢個係你「潛」意識驚自己控制唔到架車

小弟是駕駛教師.覺得你有d騰雞驚左部電單車..所以有學習障礙...首先你克服左自己心魔先啦...將每個要step 好\攪清楚..記住..跌車最多會痛....吾會死的...放謄d去學..一定有進步