唔想用公共天線

其實除非有接觸不良或者公共天線位置唔好,否則公共天線在天台接收,訊號係全大厦最好位置,一定會比你自己用室內天線或者就咁伸條天線出窗收得好.
你最好聯絡下管理處睇下其他單位有冇問題.如果淨係你有事多數係啲接線鬆咗接觸不良.如果好多伙都有事就可能係天線移咗位或者係四周大厦太高擋住咗訊號.如果係前者移翻正就冇事,後者你就算自己裝過條天線都冇用.
如果管理處唔理,就唯有自己在天台裝過一條,普通魚骨天線已經可以.可能樓下電器舖都有,否則可以去鴨寮街啲街檔買.安裝好簡單,就咁搵條鐡通上天台整兩支螺絲收實佢,碼條魚骨天線上去就得,之後條天線由天台拉入屋就得,要找尋最好方向可以搵一個在天台調較,一個人在室內睇實天視,轉到最清就固定即可.
其實你係咪睇緊舊式模擬廣播,轉睇數碼廣播對接收的要求會低好多.現在機頂盒只要幾百蚊就有.一樣可以用於舊式電視,只不過係冇高清效果.
不過買之前最好去電訊管理局網頁查下是不是已在訊號覆蓋範圍內.http://www.ofta.gov.hk/zh/index.html