房燈有時著有時唔著

有可能燈膽未擰實，如果擰實咗都唔得，你首先換咗個燈膽肯定咗唔關燈膽事先，然後開著燈制，等佢著一野熄咗之後，你就用手壓吓個燈制開燈果一點，如果冇反應就再用手揸住拖鞋拍吓拍吓個燈制，一路拍一路講﹕「打你個小人制，打到你開燈冇閉翳。」又或者用手壓吓個燈制熄燈果一點，不過就唔好大力到制都熄埋，如果個燈制開咗之後任你搓圓禁扁總之搞極都唔著就唔一定關燈制事，只係有可能關佢事。

其實你既供詞有d矛盾，

「房燈有時著有時唔著」，表示有時可以長著。

「盞燈一開果時著左一野又熄番，我再開都係著一野又熄」，表示永遠唔會長著，而且永遠都係每次都著一下就熄番。

到底邊樣至係真？如果我係法官，一定會認為你係一個唔可靠既證人，你會唔會考慮重新作供？

仲有「著一野」呢個問題，咁呢一野到底維持咗幾耐，十分一秒？幾秒？
另外其實你可唔可以唔好咁快講錢住？可唔可以叫人黎整之前答咗我先？因為我有少許少許擔心你冤枉咗個燈制。

唔怕老實話你聽，其實我背後有兩位電專家監視緊我既回答，一答得唔好就會俾人喺意見欄亂槍掃射，壓力好大，呢個故事教訓我地唔好立亂交知識友，尤其是果d猛料既知識友，俾佢地搞到我答完問題之後瞓覺都瞓得唔好。

好慘！

2010-11-15 20:36:17 補充：
你果盞燈有冇電子分組開關？例如一開制其中4個燈膽著，熄咗制再開就另一組2個燈膽著果種。

燈制接触不良，樓下或街邊找位有牌電工師傅換燈制〔開関〕

我想是否燈膽和燈頭的接觸有問題?如果你沒有電的知識,希望盡快找專業人士做線路檢查,這不是開玩笑的事,都說電是看不見摸不着的都虎,你如果不懂趕緊找人修理。估計費用要200元左右。安全第一。